Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
POLITIKE
"Do të plotësojmë kriteret për standartet më të lehta të hyrjes"/ Berisha premton lehtësimin e vizave me SHBA-në
m.lPërditësimi i fundit 15 Mars 2025, 15:12
TIRANË- Kryetari i Partisë Demokratike, Sali Berisha deklaroi sot se do të bëjnë të mundur plotësimin e çdo kriteri për standartet më të lehta të hyrjes së shqipatrëve në Shtetet e Bashkuara të Amerikës. Në një deklaratë për mediat, Berisha tha se lehtësimin e vizave me SHBA e patën filluar që në mandatin e kaluar por këtë herë garanton se do të bëjë çdo përpjekje që t'ia arrij qëllimin. Berisha shtoi se nuk premton heqjen e plotë të vizave pasi emigracioni është bërë problem në SHBA.
PJESË NGA DEKLARATA:
"Do të plotësojmë çdo kriter për standardet më të lehta të hyrjes së shqiptarëve në SHBA. Lehtësimin e vizave me SHBA e filluam dhe lobuam fuqishëm në fundin e mandatit të dytë të qeverisjes së kaluar. Garantoj e do të bëjmë çdo përpjekje, për të standardin më të lehtë të mundshëm. Unë nuk mund të them heqjen e plotë të vizave, sepse siç e shikoni është bërë një problem madhor emigracioni në SHBA, por ne do të kërkojmë dhe garantojmë miqtë tanë se, do të plotësojmë çdo kriter për standardet më të lehta të hyrjes dhe daljes së shqiptarëve nga SHBA," tha Berisha.
