DOKUMENTI/ Lulzim Basha firmos marrëveshje lobimi në SHBA pak muaj para zgjedhjeve

TIRANA- Deputeti Lulzim Basha ka firmosur një kontratë me Sonoran Policy Group LLC, për lobim në Shtetet e Bashkuara të Amerikës. Kontrata është firmosur më 19 shkurt 2025 dhe përfundon më 31 tetor 2026.

Dokumenti i mëposhtëm është regjistruar në Departamentin e Drejtësisë së SHBA-së në kuadër të Aktit për Regjistrimin e Agjentëve të Huaj (FARA), marrëveshje e dakortësuar më 19 shkurt. Dukshëm Basha ka firmosur nën statusin “individ” dhe jo si përfaqësues i një partie politike apo qeverie të huaj.

Ndërkohë, objektivat e kësaj marrëveshje parashikojnë “Rritja e ndërgjegjësimit për sfidat e Shqipërisë në rrugën e saj për të siguruar sundimin e ligjit, një demokraci funksionale, dhe mbrojtjen e lirive themelore, vëmendje e veçantë në luftën kundër korrupsionit dhe të organizuar krimi si dhe përmirësimi i konkurrencës dhe klimë së biznesit për të tërhequr investime nga Shtetet e Bashkuara në Shqipëri”.

Mesa duket kjo ishte dhe arsyeja e udhëtimit të Bashës në SHBA ku jo më larg se dje në media qarkulluan foto të tij, teksa ecte në rrugët e Washingtonit.

Kontrata e firmosur më 19 shkurt 2025 dhe një tjetër e nënshkruar më 11 qershor 2019 nuk janë kontrata e parë e lobimit që Lulzim Basha ka firmosur me Sonoran Policy Group.

Në vitin 2018, Basha ka pasur një kontratë të ngjashme me këtë firmë lobimi me zyra në Uashington DC. Sipas dokumente të publikuara nga Departamenti i Shtetit, në vitin 2017 Basha shpenzoi 825 mijë USD në disa kompani lobimi në SHBA. 

lulzim basha