I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
Çështja "Xibraka"/ Bardhi kërkesë për informacion Dumanit: Mbyllja e dosjes pa transparencë tregon se drejtësia ruan të paprekur individë që gëzojnë pushtet të fortë politik
M.B.Përditësimi i fundit 14 Janar 2025, 15:51
TIRANA- Kreu i Grupit Parlamentar të Partisë Demokratike, Gazment Bardhi është drejtuar me një kërkesë për informacion kreut të SPAK Altin Dumanit lidhur me hetimet për çështjen “Xibraka”. Në kërkesën për informacion, Bardhi thotë se mbyllja e dosjeve penale pa asnjë transparencë, rrit perceptimin se drejtësia ruan të paprekur individë me pushtet të fortë politik.
Demokrati ka kërkuar nga SPAK, një kopje të vendimit për përfundimin e hetimeve dhe pushimin e procedimit penal ndaj Olsi Ramës, dhe një kopje të vendimin gjyqësor respektiv, ku është pranuar kërkesa për përfundimin e hetimeve dhe pushimin e procedimit ndaj vëllait të kryeministrit.
Në përfundim të kërkesës për informacion Bardhi thekson se përfundimi i hetimeve nënkupton që informacioni i mbledhur dhe provat për arritjen e konkluzioneve nuk mbrohen më nga sekreti hetimor dhe për këtë shkak, nuk ka asnjë pengesë ligjore për të përcjell informacionin si më sipër lidhur me provat e mbledhura, veprimet hetimore të kryera, me qëllim arritjen e këtij konkluzioni.
“Sipas ligjit, vendimi i pushimit apo pezullimit të një procedimi, i vihet në dispozicion personave të interesuar, të cilët gëzojnë të drejtën të kërkojnë kontroll gjyqësor mbi punën e prokurorit”, shkruan Bardhi.
“Transparenca e plotë mbi një çështje që paraqet interes publik, që përfshinë persona që sipas perceptimit të opinionit janë të paprekshëm për shkak të fuqisë politike të tyre apo të afërmëve të tyre, vlerësojmë se kontribuon në besimin e qytetarëve tek institucionet e drejtësisë. Mungesa e informacionit, shmangia e transparencës dhe mbyllja e dosjeve penale pa asnjë transparencë, rrit edhe më shumë perceptimin se drejtësia vijon të ruaj të paprekur individë që gëzojnë pushtet të fortë politik”, përfundon letrën e tij Bardhi.
