Një 23-vjeçar në Korçë, i cili duhej të qëndronte në arrest shtëpie, është kapur nga policia pas di...
POLITIKE
“Gjykatësit duan t’i imponohen Parlamentit dhe qeverisë”/ Rama vazhdon presionin: Kërkojnë rritje page kur paguhen sa homologët në Greqi!
PiranjatPërditësimi i fundit 2 Shkurt 2026, 08:46
Kryeministri Edi Rama ka reaguar sërish për rritjen e rrogave të gjyqtarëve, ndërsa theksoi se këta të fundit duan t’i imponohen parlamentit dhe qeverisë për këtë kërkesë.
Përmes një mesazhi në rrjetet sociale, Rama theksoi se po të dëgjosh atë regjistrim të seancës, ndihesh në vështirësi të madhe teksa dëgjon pretendimet e tyre për rritjen e pagave.
“Gjykata Kushtetuese para pak ditësh publikoi regjistrimin e seancës ku gjykatësit, dy shoqata, kërkuan nga GJK t’u rritet paga. Po të dëgjosh atë regjistrim të seancës realisht ndjehesh në vështirësi të madhe duke menduar që këta janë njerëzit që gjykojnë e japin drejtësi ndërkohë që filli i logjikës së atyre që u ballafaquan me
GJK lë tejet për të dëshiruar. Nuk është çështje personash dhe nuk kam asnjë qëllim e dëshirë të bëj polemikë me askënd.
Por ja si flet një prej tyre: Jam gjyqtar karriere dhe qytetar aktiv. I thotë gjykatës që tenton ta bëjë këtë fshehurazi duke shfrytëzuar fushatën zgjedhore. Bën edhe ironi me nivelin e demokracisë, kur e vërteta është që në Shqipëri pagat e gjykatësve sot në Shqipëri, janë të njëjta me ato të gjyqtarëve në Greqi, por 2 fish më të larta se homologët në Maqedoni e Mal të Zi. Gjykatësit duan t’i imponohen Parlamentit dhe qeverisë për të rritur pagat. Një tjetër thotë: Ne i sjellim para buxhetit të shtetit ndaj duhet të na rritet paga. Shpresoj shumë që GJK të mos ia lërë këtë njollë të madhe turpi Shqipërisë e të mos na bëjë të marrim ilaçe të tjera.”, tha Rama.
