ILD përgënjeshtron Veliajn: Nuk është administruar asnjë kërkesë

TIRANA- Inspektoratit të Lartë të Drejtësisë ka përgënjeshtruar kryebashkiakun e Tiranës Erion Veliajn duke deklaruar se ai nuk ka dorëzuar një kërkesë në këtë institucion për marrjen e masave disiplinore dhe pezullimin e prokurorit Olsi Dado. ILD thotë se deri në përdundim të orarit zyrtar, nuk është administruar ankesë nga Veliaj.

"Në përgjigje të interesit, deri në përfundim të orarit zyrtar, nuk është administruar ankesë nga z.Veliaj në ILD", njofton ILD.

Disa orë më parë u raportua se Kryebashkiaku i Tiranës Erion Veliaj, i ndodhur tashmë nën masën e sigurisë "arrest në burg" i është drejtuar me një kërkesë Inspektoratit të Lartë të Drejtësisë dhe Këshillit të Lartë të Prokurorisë pёr procedimin disiplinor dhe pezullimin nga detyra tё prokurorit Olsi Dado.

Në kërkesën e tij Veliaj thoshte se thelbi konsiston te qëndrimi i tij i bёrё publik për largimin nga çёshtja tё prokurorit ndёrtues, sipas tij, Ols Dado. Sipas Veliajt, Dado nuk mundet kurrёsesi tё jetё objektiv nё pёrfaqёsimin e akuzёs tё ngritur ndaj tij.

Ai shtonte se Dado ka pёrdorur telefonin e paguar nga taksat e taksapaguesve pёr tё kёrkuar leje ndёrtimi pёr pёrfitimet e tij, dhe pasi kёrkesa e tij pёr miratim tё kateve shtesё iu refuzua, Veliaj thotë se prokurori “u vёrsul” me shprehje kёrcёnuese e shantazhuese ndaj tij.

Kryebashkiaku thoshte se Prokurori i çёshtjes, i cili ka ngritur akuzat ndaj tij, nuk duhej tё pranonte hetimin e shkaqeve tё ngritura nё kallzimin penal tё depozituar nga i ashtuquajturi “Nesti Angoni”, pasi Dado, sipas tij, ka pёrfituar sipёrfaqe ndёrtimore miratuar me vendimin nr. U-14078/4, datё 09.09.2021 tё Kryetarit tё Bashkisё Tiranё, dhe lejen e ndёrtimit nr. U-14078/6, datё 21.09.2021.

Sipas tij, telefonatat e prokurorit, i cili shpreh pakёnaqёsinё nё lidhje me procedurёn e dhёnies sё lejes sё ndёrtimit, dёshmojnё qёllimin keqdashёs tё Dados pёr tё pasqyruar nё dosjen hetimore fakte tё pavёrteta. Veliaj thotë se edhe nёse Dado nuk do tё ushtronte ndikimin e tij nё lidhje me lejen e ndёrtimit, mjafton vetёm fakti se ёshtё pёrfitues, pёr t’u vёrtetuar konflikti i interesit.

erion veliaj