Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
Këlliçi: Nesër depozitojmë në SPAK kallëzim të ri për Veliajn, për lidhjet e tij me Ndraghetën
n.fPërditësimi i fundit 6 Maj 2024, 22:02
Belind Këlliçi
TIRANË- I deleguari politik për Tiranën, njëkohësisht edhe anëtari i kryesisë së PD, Belind Këlliçi gjatë debatit në ‘Çim Peka LIVE’ në SYRI TV, është shprehur se, nesër do të paditet sërish Erion Veliaj për lidhjet e tij me Ndraghetën italiane. Ai më tej shtoi se nuk ndalen deri në dërgimin para drejtësisë të Erion Veliajt për këtë skemë kriminale të cilën e cilësoi një vjedhje të padëgjuar dhe e paprecedentë jo vetëm në vendin tonë, por edhe në Ballkan.
‘Nesër ne do të depozitojmë në SPAK një kallëzim të ri për Erion Veliajn, për lidhjet e tij me Ndraghetën, për lidhjet e tij kriminale me kompaninë ECO Tirana të themeluar në vitin 2017 me Vladimir Fezga, i cili rezultonte se nga viti 2013-2016 si një person i paguar me mijëra euro nga kompania AMIA Verona për llogari të kësaj kompanie, e cila është një kompani që është e lidhur drejtpërdrejt me Ndraghetën italiane dhe është një kompani ku edhe miku personal me Erion Veliajn, Flavio Tosi është ndaluar nga policia italiane për lidhjet e tij me mafian italiane dhe vijojmë aksionin në orën 11 para bashkisë së Tiranës.
Nuk ndalemi deri në dërgimin para drejtësisë të Erion Veliajt për këtë skemë kriminale vjedhje e padëgjuar dhe e paprecedentë jo vetëm në vendin tonë, por edhe në Ballkan dhe gjetkë. Unë jam thellësisht i pakënaqur për punën e SPAK në lidhje me inceneratorin e Tiranës. Kemi depozituar në 6 muaj e fundit, 1200 faqe, prova të pakontestueshme tek prokurori Dritan Premçi, i cili ka firmosur fletëthirrjen për Veliajn para SPAK dhe nëse nuk paraqitej do të shoqërohej me polici.
Por Premçi në dosjen e dhjetorit ku u ndaluan 15 persona për inceneratorin e Tiranës, çuditërisht ka hequr fashikuj dhe fakte që vetë Altin Dumani i kishte përfshirë në dosjen për Arben Ahmetaj, ku citohej nominalisht 11 herë Erion Veliaj si personi që kishte iniciuar procedurën, që kishte mbajtur komunikim me Ministrinë e Financave dhe citohej korrespondenca e tij me dy ministra, Shkëlqim Cani dhe Arben Ahmetaj’, tha Belind Këlliçi.
