Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Dënimi i dytë i Thaçit dhe rreziku i përplasjeve të reja në Kosovë Aksident i rëndë, gazetari sportiv përplaset nga autobusi, detajet e para Tensione para Kryeministrisë, policia nuk lejon qytetarët të protestojnë, hedhin spray lotsjellës Speca me prani të lartë nikeli/ Kroacia bllokon sërish ngarkesat nga Shqipëria, hera e pestë në pak muaj Gjobë 1 milion lekë në muaj çdo filiali poste në Durrës, ja si ngriti skemën Fetah Mataj! Zbardhen dëshmitë... Tensione te Kryeministria, policia shtyn me forcë qytetarët në trotuar “Jalta e re” zgjati 80 minuta/ Fituesit dhe humbësit e takimit historik mes Xi, Trump dhe Putin Skandali në Postën e Durrësit/ Jo vetëm pensionet, dyshohet se u vodhën edhe pagesat e qytetarëve për Kadas... Pse kryeministri kanadez shkoi në Kinë dhe nuk mori pjesë në bisedimet e sotme për Ukrainën? Haaland i jashtëzakonshëm, arrin 68 gola sa Mbappe por me 47 ndeshje me pak Arrestohet në Shkodër 45-vjeçari i shpallur në kërkim nga Italia, pritet ekstradimi “Lulet vyshken, por dashuria mbetet gjithmonë”, Brikena Selmanaj merr dhuratën e veçantë, mesazhi i saj ngr...
POLITIKE

“Kujt i thua të qelbur?”/ Përplasje e fortë te Ligjet pas deklaratës së Olsi Komicit

P
Piranjat 5 October 2026, 19:16 · 6 min lexim
“Kujt i thua të qelbur?”/ Përplasje e fortë te Ligjet

Debati për filmimin me telefon gjatë mbledhjes së Komisionit të Ligjeve kaloi në përplasje verbale, pasi deputeti Olsi Komici përdori shprehjen “5 demokratë të qelbur”. Gent Strazimiri kërkoi që deklarata të shënohej në procesverbal dhe Komici të kërkonte falje.

Në fund, Komici kërkoi falje vetëm ndaj Mehdi Lekës.

Një debat për përdorimin e telefonit gjatë mbledhjes së Komisionit të Ligjeve përfundoi në një përplasje mes deputetëve të mazhorancës dhe opozitës, pasi Olsi Komici iu drejtua disa prej demokratëve me shprehjen “5 demokratë të qelbur”.

Deklarata solli reagimin e menjëhershëm të deputetëve të opozitës.

“Kujt i thua të qelbur ti?! Të kesh turp se je edhe deputet Kuvendi. Turp të të vijë”, iu drejtua një prej ligjvënëseve, Komicit.

Komici e lidhi reagimin e tij me filmimin e mbledhjes me telefon, duke e cilësuar atë “veprim të ulët”. Kryetari i komisionit, Ulsi Manja, ndërhyri disa herë për të ndërprerë replikat dhe për të rikthyer mbledhjen te rendi i ditës.

Manja sqaroi se mbledhja ishte e hapur dhe se deputetja mund të filmonte, por shtoi se, sipas tij, një veprim i tillë nuk ishte etik.

“Mbledhja është e hapur, ju mund të filmoni çdo gjë, por etikë nuk është. Vota jonë është publike, edhe votimi është i hapur”, tha Manja.

Në debat ndërhyri më pas Gent Strazimiri, i cili kundërshtoi pretendimin se filmimi përbënte problem etik dhe e zhvendosi debatin te fjalori i përdorur nga Komici.

“Problem etik nuk ka nëse mban telefonin hapur dhe filmon. Problem etik është që ky që kam unë përballë të thotë ‘5 demokratë të qelbur’”, tha Strazimiri.

Ai kërkoi publikisht që Komici të kërkonte falje dhe që deklarata të pasqyrohej në procesverbalin e mbledhjes.

“Pres të më kërkojnë falje për fyerjen që u bë, Ulsi. Të shënohet në procesverbal”, deklaroi Strazimiri.

Por Komici nuk u tërhoq nga qëndrimi ndaj deputetëve të tjerë. Kur mori sërish fjalën, ai deklaroi se kërkonte falje vetëm ndaj Mehdi Lekës.

“Në lidhje me sa u shpreha, i kërkoj falje vetëm zotit Mehdi Leka aty, bashkëpatriotit tim, se të tjerët nuk i njoh”, tha Komici.

Përplasja që nisi për një telefon dhe filmimin e votimit përfundoi kështu me një fyerje ndaj deputetëve demokratë, kërkesën e Strazimirit për falje publike dhe vendimin e Komicit për t'ia drejtuar faljen vetëm Mehdi Lekës.

Debati i plotë:

Ulsi Manja: O zoti Komici, po ç’rëndësi ka.

Olsi Komici: 5 demokratë të qelbur

Deputetja: Kujt i thua të qelbur ti?! Të kesh turp se je edhe deputet Kuvendi. Turp të të vijë.

Olsi Komici: Trup të të vijë, nxjerr telefonin e filmon aty (e dregon me telefonin e tij).

Deputetja: Turp të të vijë ty. Kryetar, e dëgjon fjalorin e këtij, që thotë “deputet i qelbur”? Asnjëri s’më nxjerr përjashta, aq më pak ti.

Olsi Komici: Del me telefon kështu.

Gjin Gjoni: Ç’ka problemi? Ti ke qëndrimin tat.

Olsi Komici: Veprim i ulët.

Ulsi Manja: Zoti Komici, ju lutem. A ka mundësi të më lini? Kthehuni në normalitet të seancës. Zoti Gjoni nuk kam nevojë për avokat.

Gjin Gjoni: A do drejtosh seancën? Ka filluar Parlamenti.

Ulsi Manja: Nëse ke orar për të shkuar në seancë, shko. Zonja deputete, mbledhja është e hapur, ju mund të filmoni çdo gjë, por etikë nuk është. Vota jonë është publike, edhe votimi është i hapur. Ti je deputete e Shqipërisë dhe ka ca rregulla bashkëjetese në komision, përtej forcave që përfaqëson.

Gent Strazimiri: Problem etik nuk ka nëse mban telefonin hapur dhe filmon. Problem etik është që ky që kam unë përballë të thotë “5 demokratë të qelbur”. O tani kërkohet falje publikisht për gjënë. Ja ku jemi të gjithë bashkë, ajo e çon ku të dojë telefonin dhe, nëse ti e ke problem, i dal unë për zot. Ty nuk të takon të flasësh ashtu me një zonjë. Ja ku jemi këtu, jemi të gjithë bashkë. Nuk provokon, një mashkull që ia mban telefonin një femre është provokim. Një femër që filmon votimin nuk është problem.

Dëgjohet nga Salla: Turp.

Gent Strazimiri: Turpi është i joti.

Dëgjohet nga Salla: S’ësht etike.

Gent Strazimiri: Ja aty i filmuar je, nëse ke turp, ndërroni votën më mirë. Pres të më kërkojnë falje për fyerjen që u bë, Ulsi. Të shënohet në proces-verbal. Klodiana hap telefonin filmo, fillo që tani.

Ulsi Manja: Të lutem, duro se do të ta jap fjalën. Nuk ju mbaj me zor këtu. Zoti Komici, fjalën e keni ju dhe pastaj kalojmë në votim.

Olsi Komici: në lidhje me sa u shpreha, i kërkoj falje vetëm zotit Mehdi Leka aty, bashkëpatriotit tim se të tjerët nuk i njoh, përveç disave me disa patrulla që nuk e di çfarë përfaqësojnë. Jam i denjë dhe kam aq burrni sa të përfaqësoj gjithësecilin prej tyre, që më ka votuar.

 

SHPËRNDAJE

Lexo edhe

POLITIKE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.