Një qytetare ka bërë një denoncim lidhur me një problem pronësie dhe aksesi në rrugë. Sipas saj, familja e saj prej vi...
POLITIKE
“Mijëra pensionistë humbin jetën se nuk marrin dot ilaçet”, Berisha nga Korça: 8 mijë km larg Tiranës, Ramën e gjuajnë me vezë
PiranjatPërditësimi i fundit 2 Tetor 2026, 18:34
Kreu i Partisë Demokratike, Sali Berisha, ka mbajtur fjalën e tij në Korçë, në kuadër të Foltores së Riorganizimit të PD-së, ku ka sulmuar qeverinë dhe kryeministrin Edi Rama.
Berisha deklaroi se Rama është, sipas tij, “njeriu më i urryer i kombit në histori”, duke iu referuar edhe protestave të zhvilluara kundër qeverisë.
“Rama është sot njeriu më i urryer i kombit në histori. 8 mijë kilometra nga Tirana dhe shqiptarët e gjuajnë me vezë e domate. Ju lumtë!”, u shpreh Berisha.
Më tej, kreu i PD-së tha se opozita duhet të fokusohet te shqetësimet e qytetarëve dhe te gjendja ekonomike e shqiptarëve.
“Koha na kërkon të merremi me të gjithë potencialin tonë, me shqetësimet e shqiptarëve, që janë sot më të varfrit dhe të keqpaguarit në Europë”, deklaroi ai.
Berisha ngriti gjithashtu shqetësimin për pensionistët dhe aksesin e tyre në medikamente, duke bërë një deklaratë të fortë për pasojat që, sipas tij, ka mungesa e barnave.
“Mijëra pensionistëve u kushtojnë jetën sëmundjet, pasi nuk marrin dot ilaçet”, tha Berisha.
