Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
"Moment i rëndësishëm për qytetin bregdetar"/ Anija muze Art Explora ankorohet në Durrës, Rama: Që prej ardhjes së Macron në Elize, vëmendje e shtuar e Francës ndaj Shqipërisë
E.DPërditësimi i fundit 10 Prill 2025, 16:34
DURRËS- Kryeministri Edi Rama ishte i pranishëm në portin e Durrësit në ceremoninë e ankorimit të anijes muze Art Explora, e cila do ofrojë një sërë aktivitetesh kulturore dhe artistike në qytetin bregdetar për 12 ditë. Gjatë fjalës së tij Rama u shpreh se ky është një moment i rëndësishëm për qytetin bregdetar. Kryeministri gjithashtu theksoi se që prej ardhjes së Macron në Elize, vëmendja e Francës është shtuar ndaj Shqipërisë.
"Prej mbërritjes së presidentit aktual në Elize ka një kurioziteti dhe një kthimi drejt këtij rajoni dhe Shqipërisë. Falë kësaj hapje patëm në Shqipëri vizitën e parë të një presidenti francez prej krijimit të perandorisë franceze. Sepse krijimi i shtetit shqiptar është e shkurtër. Askush nuk e mendonte se kjo ide do funksiononte. Po kështu ndodh me idetë e mëdha.
Ndjesia këtu është e jashtëzakonshme. Përzierja e një porti që po mbyll dyert e tij, me këto instalacionet e një epoke shumë të largët. Pastaj maja e luksit janë veprat e artit të mrekullueshme në një version të paparë ndonjëherë. Pastaj kemi zhytjen në udhëtimin përmes një realiteti virtual. Moment i rëndësishëm për qytetin, mundësi për të gjithë, shkollat, nxënësit dhe të sjellin fëmijët këtu për të vizituar këtë fshat të vogël. Dhe për familjet dhe për të gjithë. Jam i bindur se do ketë probleme të vogla sigurie, po përpiqem të të shkaktojë pak ankthe se ke shumë vetëbesim. Do ketë më shumë persona se ç’mund të pres kjo strukturë," tha Rama.
