Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Nënshkrimi i marrëveshjes për rijetëzimin e kalasë së Elbasanit/ "Do rritet numri i vizitorëve", Rama: Presim dhe stalkerin e fondit të këndojë këngën e kukuvajkës
r.llPërditësimi i fundit 11 Janar 2025, 13:05
edi rama
ELBASAN- Kryeministri Edi Rama ndodhet sot në Elbasan, ku është nënshkruar edhe një marrëveshje për rijetëzimin e Kalasë së qytetit. Ai tha se me këtë hap pritet që të ketë edhe një numër më të lartë vizitorësh në qytet dhe gjithashtu të rritet dhe vlera e shtëpive. Sipas kryeministrit Elbasani duhet të jetë një pol i ri i Tiranës metropol.
“Janë realizuar vepra që flasin vetë. Me projektin e Kalasë, duhet thënë që Kalaja ka një histori dhe një potencial të jashtëzakonshëm, por edhe shumë elementë të tjerë. Nëse do arrijmë të bëjmë në kohën dhe mënyrën e duhur një projekt të tillë do të kemi absolutisht, të mrekullueshëm. Besoj që duke shfrytëzuar të gjithë komponentët e fshehur që ka kalaja do të arrijmë të kemi një numër të lartë të vizitorëve dhe kjo do të bëjë që vlera e pronës, vlera e shtëpive të rritet. Në harmoni edhe me zhvillimin që vazhdon për automotoparkun. Në Elbasan duhet të kemi një pol të ri të Tiranës metropol. Durrësi, Dibra dhe Elbasani janë tre degëzime të natyrshme të metropolit të Tiranës. Me këta komponentë, besoj që të gjithë ata që jetojnë në Elbasan, do të jenë jo vetëm nga distanca, por edhe nga integrimi ekonomik, shumë më mirë. Ndërsa për automotoparku, për pak ditë do të jemi në Romë për prezantimin zyrtar, më gjerë për pjesëmarrjen e Shqipërisë, dhe kjo do të na sjellë në rastin e xhiros sytë e 200 vendeve, në tre ditë, në tre zona të ndryshme, Durrës, Tiranë dhe Vlorë. Nga 200 televizione të botës, do të shihet Shqipëria turistike. Ndërkohë automotoparku do të funksionojë si një pikë e shumë shërbimeve”, tha ndër të tjera Rama.
Gjatë fjalës së tij kryeministri ironizoi kreun e PD-së, Sali Berishën, të cilin e ka quajtur një “stalker” të Fondit Shqiptar të Zhvillimit.
“Mirëpresim sa më parë stalkerin e fondit që të shfaqet në kala, edhe që të këndojë këngën e kukuvajkës me pamjen e kanarinës në mënyrë që ta marrin dhe këtë bekim se na duhet. Këtu në Elbasan ka një besim të palëkundur tek hudhra si një komponent i rëndësishëm i mbajtjes larg të syrit të keq, por nëse do të nderonte me vizitën e saj këtu kukuvajka kanarinë ne do të ishim shumë mirënjohës sepse do të na jepte mundësinë ta forconim këtë marrëdhënien mafioze korruptive kriminale me fondin shqiptar të zhvillimit dhe të vendosnim të gjitha paratë e krimit të përbashkët në dispozicionin të qytetit të Elbasanit të bindur që nuk do të kishte sy të keq që do të na afrohej më sepse do të kishim një hudhër këtu point zero në dispozicion“, u shpreh ai.
