Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
POLITIKE
“Opozita ka vetëm protestën si rrugë, institucionet kanë rënë”, Boçi: Ja e vërteta pas flamujve gjermanë në protestën e PD
PiranjatPërditësimi i fundit 26 Mars 2026, 16:26
Nënkryetari i Partisë Demokratike, Luçiano Boçi, deklaroi se opozita në Shqipëri ka mbetur pa alternativa institucionale dhe se protesta është e vetmja mënyrë reagimi ndaj qeverisjes.
Boçi u shpreh se, sipas tij, tre shtyllat kryesore të shtetit – Parlamenti, drejtësia dhe institucionet – kanë rënë, duke e detyruar opozitën të përballet në rrugë. Ai akuzoi qeverinë për korrupsion dhe lidhje me krimin, ndërsa theksoi se propaganda e pushtetit përpiqet të minimizojë protestat.
Duke folur për protestën e fundit, Boçi mohoi akuzat për dhunë nga ana e opozitës dhe fajësoi Policinë e Shtetit për përshkallëzimin e situatës. Ai komentoi edhe polemikat për flamurin gjerman, duke sqaruar se ai ishte mbajtur nga një protestues dhe jo ishte përdhosur, siç u pretendua. Sipas tij, reagimi i Gjermanisë ka qenë një deklaratë diplomatike që ruante balancën dhe dënonte dhunën ndaj individëve.
Boçi theksoi se mbështetja ndaj Gjermanisë lidhet edhe me qëndrimet e saj për çështje të brendshme në Shqipëri, përfshirë kritikat ndaj qeverisë për ndërhyrje në drejtësi.
Ai akuzoi gjithashtu Policinë për përdorim të tepruar force ndaj protestuesve dhe liderëve të opozitës, përfshirë edhe Sali Berisha, duke e cilësuar këtë sjellje si të papranueshme.
Në vijim, Boçi argumentoi se mungesa e funksionimit normal të institucioneve – si moslejimi i komisioneve hetimore dhe kufizimi i debatit parlamentar – ka detyruar opozitën të zgjedhë protestën si formë reagimi. Ai ngriti dyshime edhe për mënyrën e funksionimit të drejtësisë, duke e akuzuar për standarde të dyfishta dhe mosveprim në çështje të rëndësishme.
Sipas tij, hetimet ndaj zyrtarëve të lartë, përfshirë rastin e Belinda Balluku, nuk po trajtohen si duhet, ndërsa pretendoi se ka indicie për korrupsion dhe shpërdorim fondesh që nuk po ndiqen nga drejtësia.
Në përfundim, Boçi theksoi se, në mungesë të institucioneve funksionale dhe të një sistemi drejtësie të besueshëm, protesta mbetet “arma e vetme” e opozitës për të reaguar ndaj qeverisjes.
