Policia e Shtetit ka nxjerrë një shkresë urgjente drejtuar komisariateve të Tiranës, ku kërkon marrjen e një sërë...
AKTUALITET
Përmbytjet në vend/ Rama vazhdon justifikimet: Faji qëndron tek ndryshimet klimatike
PiranjatPërditësimi i fundit 9 Janar 2026, 08:44
Kryeministri Edi Rama mblodhi Komitetin Ndërministror të Emergjencave Civile për të adresuar situatën e krijuar nga përmbytjet e ditëve të fundit, si pasojë e reshjeve intensive të shiut.
Rama nuk gjen asnjë përgjegjësi tek vetja dhe mungesa e menaxhimit, por e adreson problemin e përmbytjeve tek ndryshimet klimatike.
"Durimi është i domosdoshëm. Reagimet ushqejmë nervozizëm, në një situatë si kjo nuk kërkohen fajtorë imagjinarë, por ndihmohen njerëzit realë. Nuk kanë nevojë për shpifje dhe teori, por mbështetje dhe bashkim forcash.
Kjo situatë nuk ka prekur vetëm Shqipërinë, por nga Italia në Greqi, Mali i Zi e Kosovë, e deri në Turqi. I njëjti i ftohtë, I njëjti shi, kanë krijuar të njëjtën situatë të rënduar.
Ndryshimi klimatik nuk do të thotë vetëm verë e nxehtë, por edhe mot më ekstrem.
Më shumë thatësira dhe më shumë zjarre e më shumë përmbytje, është klima ku jetojmë.
Kur vazhdojmë hedhim plehrat e kur i vëmë zjarrin pyjeve, pasojat rriten më shumë. Deri tani janë 1587 banesa me praninë e ujit. Janë evakuar 51 familje.
Sasia e reshjeve ka qenë e jashtëzakonshme, më shumë sesa sasia mesatare që bie gjatë gjithë muajit”-u shpreh Rama.
