Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Sherr i madh në burgun e sigurisë së lartë, Astmer Bilali dhe Mikel Thani përfundojnë në spital
PiranjatPërditësimi i fundit 9 Janar 2026, 07:30
Një konflikt i dhunshëm ka shpërthyer në burgun e Reçit, në Malësinë e Madhe, ku dy të dënuar janë përplasur fizikisht, duke përfunduar me dëmtime të rënda.
Personat e përfshirë në sherr janë Astmer Bilali dhe Mikel Thani, të cilët pas përplasjes janë transportuar me urgjencë drejt Spitalit të Burgut në Tiranë për mjekim të specializuar.
Astmer Bilali
Ngjarja ka ndodhur gjatë kohës së drekës, kur mes tyre nisi një debat i cili degjeneroi shpejt në dhunë fizike. Sipas burimeve, Thanit i janë bashkuar disa të burgosur të tjerë, duke acaruar më tej situatën.
Rojet e burgut ndërhynë për të ndarë palët, ndërsa të dy të dënuarit kanë pësuar dëmtime të shumta në trup.
Kush janë të përfshirët në konflikt?
Mikel Thani u arrestua në vitin 2015, i dyshuar për plagosjen e prindërve të ish të fejuarës dhe një të miture.
Astmer Bilali është arrestuar si pjesë e hetimeve të dosjes së gjerë “Metamorfoza”.
Ky nuk është incidenti i parë i dhunshëm në burgun e Reçit. Pak kohë më parë, një tjetër konflikt mes të dënuarve Safet Bajri dhe Sokol Sanxhaktari u pasua me lëndime dhe ndërhyrje të forcave të sigurisë.
