Një biznesmen që kontrollon një prej depove farmaceutike më të njohura në Shqipëri është vënë nën he...
POLITIKE
Presidenti Begaj vizitë dy ditore në Itali, merr pjesë në ceremoninë hapëse të Lojërave Olimpike Dimërore
PiranjatPërditësimi i fundit 5 Shkurt 2026, 18:36
Presidenti Bajram Begaj do të niset sot për një vizitë dy-ditore në Itali, ku do të marrë pjesë krahas udhëheqësve botërorë në pritjen dhe ceremoninë zyrtare të hapjes së Lojërave Olimpike Dimërore ‘Milano-Cortina 2026’, që do të nisin më 6 shkurt.
Pak ditë më parë, Begaj i dorëzoi flamurin kombëtar ekipit të skiatorëve që do të garojë në këto lojëra, i cili përbëhet nga sportistët Lara Colturi, Denni Xhepa, Lisa Brunga dhe Semire Dauti.
Presidenca njofton gjithashtu se gjatë vizitës në Itali, veç pritjes nga Presidenti i Italisë Sergio Mattarella për hapjen e Lojërave Olimpike Dimërore, agjenda e Presidentit Begaj parashikon edhe takime të veçanta me autoritetet italiane, komunitetin shqiptar dhe komunitetin arbëresh në rajonin e Lombardisë.
Njoftimi i Presidencës:
Presidenti i Republikës, Sh. T. Z. Bajram Begaj, niset sot për një vizitë dyditore në Itali.
Kreu i Shtetit do të marrë pjesë krahas udhëheqësve botërorë në pritjen dhe ceremoninë zyrtare të hapjes së Lojërave Olimpike Dimërore Milano-Cortina 2026, që do të nisin më 6 shkurt.
Pak ditë më parë, Presidenti i Republikës i dorëzoi flamurin kombëtar ekipit të skiatorëve që do të garojë në këto lojëra. Shqipëria përfaqësohet në Miloano-Cortina 2026 nga katër skiatorët: Lara Colturi, Denni Xhepa, Lisa Brunga dhe Semire Dauti.
Gjatë vizitës në Itali, veç pritjes nga Presidenti i Italisë, Sh. T. Z. Sergio Mattarella, për hapjen e Lojërave Olimpike Dimërore, agjenda e Presidentit Begaj parashikon edhe takime të veçanta me autoritetet italiane, komunitetin shqiptar dhe komunitetin arbëresh në rajonin e Lombardisë.
