"Rama nuk ka ndjekur programin përveç vitit 2013!" Berisha: Ka ideuar mënyra të tjera paraqitjesh para shqiptarëve, kërkon të mos japë llogari

TIRANA- Kreu i Partisë Demokratike Sali Berisha deklaroi sot se ai ka pasur programin si platformë, edhe kur ka qenë kryeministër dhe kur ka qenë në opozitën. I ftuar në "ÇIM PEKA LIVE" Berisha tha se Rama nuk ka ndjekur programin përveç vitit 2013. Ai tha se Rama e ka ideuar mënyra të tjera paraqitjesh para shqiptarëve dhe kërkon të mos japë llogari. Ai ka komentuar edhe fushatën e Ramës për të cilën tha se ka zgjedhur parodi dhe banalitet dhe zhvlerëson në hapësirën komunukative programet.

"Unë gjithë jetën kam pasur programin si platformë, edhe kur kam qenë kryeministër dhe kur kam qenë në opozitën. Unë jam njeri që kam ndjekur programin. Rama nuk ka ndjekur programin përveç vitit 2013. Rama në tërësi ka ideuar mënyra të tjera paraqitjesh para shqiptarëve, kjo është e njohur kjo që bën ai. Kjo kërkon me çdo kusht që ai të mos japë llogari për ato që s'ka bërë ose për ato që ka bërë keq dhe të mos bëjë asgjë pasi ai nuk ka realizuar dot premtimet.

Por kjo është një mënyrë në fushatë se fushatat kanë disa mënyra. Ka mënyra fushate që bëhet fund e krye negative, Ky nuk e ka. Fushatë me negatitivitet Rama ka patur në vitet 2005, 2007, 2009. Nuk i ka tani ato. Tani ka zgjedhur parodinë dhe banalitetin ku mendon se duke bërë të qeshë duke krijuar humor bajat, zhvlerëson në hapësirën komunukative programet.

Por ai nuk është se nuk e vuajtur këtë, sepse herë pas here është detyruar tu referohet. Fillimisht kopjoi pikë për pikë minimumin jetik dhe pastaj i kaloi në vitin 2030. Ai e kupton që është pa program, që mund ti kushtojë dhe këtu tregon pasigurinë e tij. Në momentin që ti kopjon programin e kundërshtarit ti ke kapitulluar në rrafshin programatik. Tani së fundi, fushata e tij ka pasur një thes me rrena në shpinë dhe shkon e u thotë vlonjatëve që kam investuar 1 miliard e 230 milionë", tha Berisha.