Rama prezanton programin për sportin në Shqipëri 2030: Duhet të rrisim numrin e disiplinave sportive dhe të krijojmë hapësira të reja edhe për atletikën

edi rama

TIRANË- Kryeministri Edi Rama ka prezantuar vizionin për sportin në Shqipëri 2030, ku foli për investimet strategjike në këtë sektor, mbështetjen për sportin si dhe nxitjen e një kulture të re sportive në vend.

Rama u shpreh se aktualisht në gjithë vendin kemi 400 palestra të reja. Ai tha se duhet rritur numri i disiplinave sportive, kapacitetet e edukimit, numri i trajnerëve dhe gjithashtu duhet përmirësuar metodologjia.

Kryeministri shtoi se janë çuar përpara tre projektet e reja për stadiumin e Vlorës, Korçës dhe Durrësit dhe se ka filluar edhe procesi për transformimin e "Pallatit të Sportit". Rama tha se duhen krijuar hapësira të reja edhe për atletikë, të cilën e kosideroi si "mbretëresha" e sporteve. 

"Sot ne kemi afro 400 palestra. Janë 12 mije fëmijë të angazhuar në lëvizje sportive në shkolla. Ne duhet të rrisim dhe numrin e disiplinës sportive, jo vetëm basketboll e volejboll. Të kuptojmë si mund të ndërtohen nuklet në cdo bashki për mundjen, peshëngritjen. Duhet të rrisim kapacitetet e edukimit, numrin e trajnerëve dhe të përmirësojmë metodologjinë. Gjëja tjetër që dua të theksoj është që infrastruktura ka nevoja akoma shumë. Kemi çuar përpara 3 projektet e reja për stadiumin e Vlorës, Korçës dhe Durrësit. Do zhvillohen me partneritet privat si stadiumi Stelman Stermasi. Kemi filluar dhe procesin për transformimin e Pallatit e Sportit. Besoj që nuk mund të rrimë me vendnumëro vetëm me një pistë atletike. Duhet të krijojmë një hapësirë edhe për atletikën. Se është mbretëresha e sporteve.", tha Rama. 

edi rama