Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
Rekursi për masën e sigurisë/ Gjykata e Lartë rrëzon kërkesën e Berishës për përjashtimin e trupës së gjyqtarëve
M.B.Përditësimi i fundit 17 Prill 2025, 14:57
TIRANA- Gjykata e Lartë ka rrëzuar kërkesën e avokatëve të krut të Partisë Demokratike Sali Berisha për përjashtimin e treshes gjykuese të përbërë nga Ilir Panda, Sokol Binaj dhe Sander Simoni nga gjykimi i rekursit të tij për masën e sigurisë “detyrim paraqitje”.
Mësohet se vendimi u dha sot nga gjyqtari Enton Dhimitri ndërsa seanca, e cila ishte parashikuar për të martën, u shty nga Gjykata e Lartë për t'u mbajtur më 22 prill. Në këtë seancë pritet që gjykata të shqyrtojë rekursin e avokatëve të Berishës dhe dhëndrit të tij, Jamarbër Malltezit, për masën e sigurisë.
Berisha ka deklaruar më herët se vendimi për masën e sigurisë “detyrim paraqitje” nga Apeli i Posaçëm për çështjen “Partizani” është një krim kushtetues. Ai është shprehur se prokurorët e SPAK kanë kërkuar vendosjen e masave të sigurisë kundrejt tij me arsyetimin se ai po sulmon Prokurorinë e Posaçme dhe gjykatën.
Berisha u lirua më 27 nëntor 2024, pas rreth një viti në arrest shtëpiak, për shkak të akuzave për përfshirje në dosjen “Partizani.” Ish-kryeministri është marrë i pandehur për korrupsion pasiv, bashkë me dhëndrin e tij Jamarbër Malltezi, i cili vazhdon të jetë në arrest shtëpie.
