Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
POLITIKE
SPAK kërkoi arrestimin e Ballukut, Këshilli i Mandateve shtyu mbledhjen/ Braçe: Pyesni Niko Peleshin! Jam larg kësaj historie
PiranjatPërditësimi i fundit 28 Janar 2026, 10:49
Këshilli i Imunitetit, i cili pritej të trajtonte sot çështjen për mandatin e zëvendëskryeministres Belinda Balluku, ka vendosur të shtyjë mbledhjen.
Shkak për këtë është bërë kërkesa e socialisteve, të cilët pretendojnë që Këshilli i Imunitetit dhe Mandateve të mblidhet pasi të japë vendimin Gjykata Kushtetuese për këtë çështje.
Ndërkohë, deputeti i Partisë Socialiste Erjon Braçe, i pyetur mbi këtë fakt nga gazetarët, ka deklaruar se Balluku është pa imunitet sa kohë ndaj saj po kryhet një hetim.
“Nuk jam pjesë e Këshillit të Mandateve , nuk e di jam larg kësaj historie se si funksionon, Këshilli i Mandateve është larg fushës time të kompetencës unë merrem drejt për drejtë me ekonomisë. Më shqetëson ajo që pason pas miratimit të ndryshimit në Kodin Penal që u miratua dje.
Po dal në zonën time në lagje të shoh pikërisht këtë gjë, Dje nuk e votova, është ligj qesharak.
Nuk ka imunitet sa kohë që duke u hetuar është pa imunitet. Është ngritur një akuzë për të, po hetohet dhe prezumohet e pafajshme deri një vendim të formës së prerë të gjykatës, se në Kuvend çfarë nuk dëgjova. Se si e kordinon punën Këshilli i Mandateve pyesni kreun e Kuvendit”, tha ai.
