Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
"Vota e diasporës rol kyç për të ardhmen e Shqipërisë"/ Partia Demokratike takim me shqiptarët në Bergamo të Italisë
b.zPërditësimi i fundit 23 Shkurt 2025, 14:17
Dashnor Sula
ITALI - Përfaqësues të Partisë Demokratike zhvilluan një ditë më parë takim me emigrantët shqiptarë në Bergamo të Italisë, ku u diskutua për zgjedhjet e 11 majit dhe sfidat ekonomike të vendit.
Në takim morën pjesë kryetari i Bashkisë së Bergamos, Gianfranco Gaforelli, deputeti i PD-së Dashnor Sula, zëdhënësja e PD-së Floriana Garo dhe organizatori i PD në Bergamo Endi Farruku.
Gjatë fjalës së tij për të pranishmit, deputeti Dashnor Sula theksoi rëndësinë e regjistrimit të diasporës për zgjedhjet e ardhshme parlamentare dhe bëri thirrje për pjesëmarrje aktive në votime. Sula tha se ka ardhur koha për një ndryshim në Shqipëri, ndërsa theksoi dhe rolin e rëndësishëm të këshilltarit politik amerikan Chris LaCivita në hartimin e strategjisë për fushatën e 11 Majit.
Në takimin e mbajtur, PD prezantoi edhe disa nga premtimet e programit të saj të qeverisjes të cilat ishin:
• Paga mesatare 1200 euro dhe rroga minimale 500 euro. • Minimumi jetik 200 euro për të mbështetur shtresat më në nevojë. • Karta e Konsumatorit, që do t’u mundësojë qytetarëve me të ardhura të ulëta zbritje në ushqime, barna dhe subvencione për energjinë dhe ujin. • Lehtësira për emigrantët që kthehen, duke i përjashtuar nga taksat për 5 vitet e para nëse hapin biznes në Shqipëri. • Luftë kundër korrupsionit dhe shpenzimeve të panevojshme qeveritare, duke garantuar një administratë më transparente dhe eficiente.
Gjatë takimit PD theksoi gjithashtu se diaspora ka një rol të rëndësishëm në zhvillimin e Shqipërisë, ndërsa u bëri thirrje të gjithë emigrantëve të marrin pjesë në zgjedhjet parlamentare.
