Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
POLITIKE
Zgjedhjet në Hungari, Ditmir Bushati: Fitorja e Peter Magyar, pritet të ketë efekt zinxhir edhe në modelet e ngjashme qeverisëse në Ballkan
PiranjatPërditësimi i fundit 12 Prill 2026, 23:08
Fitorja e opozitës në Hungari dhe rënia e kryeministrit Viktor Orban pas 16 vitesh në pushtet është pritur mirë jo vetëm në faktorin ndërkombëtar, por edhe në Shqipëri.
Aktorë politikë dhe jo vetëm kanë reaguar pas shpalljes së rezultateve të fitores së opozitës së drejtuar nga Magyar.
Edhe ish-deputeti socialist dhe ish-ministri Ditmir Bushati ka reaguar sot në mbrëmje (12 prill) me një postim në rrjetin social X.
Në mesazhin e tij Bushati duket se lë të nëkuptohet që edhe modele si ai i Ramës apo dhe ai i Vuçiç do të kenë të njëjtin fat.
“Fitorja e Peter Magyar në Hungari shënon një fitore të rëndësishme për demokracinë liberale dhe Evropën në tërësi. Ka të ngjarë të ketë efekte të ndryshme në modele të ngjashme qeverisjeje që janë mbështetur nga Hungaria në Ballkanin Perëndimor”, shkruan ai në reagimin e tij.
Opozita hungareze mësohet se ka siguruar mbi gjysmën e vendeve në parlament dhe po shkon drejt dy të tretave të vendeve.
Peter Magyar’s victory in Hungary ???????? marks a significant win for liberal democracy and Europe as a whole. It is likely to have ripple effects on similar governance models that have been supported by Hungary in the Western Balkans.
