Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
SHOWBIZ
Enxhi Nasufi & Neada Muçaj nuk rikthehen më në Top Channel! Ja kush vjen në vend të tyre
PiranjatPërditësimi i fundit 18 Nëntor 2025, 10:04
Pas javësh aludimesh dhe mohimesh publike, është zyrtarizuar: Enxhi Nasufi dhe Neada Muçaj nuk janë më pjesë e emisionit “Wake Up” dhe as e stafit të Top Channel. Edhe pse vetëm një ditë më parë tresheja e moderimit – Enxhi, Neada dhe Blendi Salaj – përgënjeshtroi zërat për një konflikt mes vajzave, situata ka marrë sot një kthesë të papritur.
Mëngjesin e sotëm, Blendi Salaj e nisi i vetëm programin, duke konfirmuar ndryshimet me një deklaratë të shkurtër:
“Programi vjen i ridimensionuar, i cili do të më shoqërojë me disa shokë e shoqe të rinj gjatë kësaj kohe, por me të njëjtin mision, për t’ju sjellë juve gëzim dhe për t’ju shoqëruar çdo mëngjes.”
Pak çaste më pas, ai prezantoi moderatoren e parë që do t’i bashkohet formatit të përditshëm: Heidi Baci, e cila u shfaq në krah të tij në hapjen e programit. Megjithatë, Salaj la të nënkuptohet se roli i saj mund të mos jetë i përhershëm, pasi emisioni do të vazhdojë me rotacion moderatorësh:
“Do të kemi miq të rinj… do ta shohim me shumë shokë e shoqe.”
Ky ndryshim vjen pas një vale komentesh në rrjete sociale, ku qarkulluan zëra për tensione dhe një debat të ashpër mes dy moderatoreve. Edhe pse ato i mohuan publikisht, zhvillimet e sotme ringjallin pikëpyetjet mbi prapaskenat që çuan në largimin e tyre.
Për momentin, nuk ka një reagim nga Enxhi dhe Neada në rrjetet sociale, por fansat presin deklaratat e tyre në orët në vijim.
