Ermal Mamaqi uron të birin për 13-vjetorin: Ti je suksesi më i madh

Ermal Mamaqi ka ndarë një mesazh të ndjerë për djalin e tij Joel, i cili feston 13-vjetorin e lindjes. Në një postim në rrjetet sociale, Mamaqi është kthyer pas në kohë, duke kujtuar emocionet e forta që përjetoi kur u bë baba për herë të parë. Për të, ardhja në jetë e Joelit shënoi një ndryshim të rëndësishëm në mënyrën se si e shihte jetën dhe suksesin.

“Sot, 13 vite më parë, u bëra baba.
Mbaj mend ende momentin kur të mbajta për herë të parë në krahë. Që atë ditë, jeta ime mori një kuptim tjetër.
Mësova durimin. Mësova të dua pa kushte. Mësova që sukseset e mia më të mëdha nuk janë në skenë apo në biznes, por në shtëpi, kur ta shoh të qeshi.

Sot jam krenar për djaloshin që po bëhesh Joel.
Unë do jem gjithmonë këtu. Jo për të ecur në vendin tënd, por krah teje.

Happy Life Joel.

Të dua pafundësisht”, shkruan Ermali.

Mamaqi dhe bashkëshortja e tij, Amarda Toska, janë prindër të dy fëmijëve, Joelit dhe vajzës së tyre, Sia.

Urimi i aktorit ka marrë vëmendje për tonin personal dhe emocional, ndërsa ai ka zgjedhur ta përkufizojë rolin e tij si baba përmes mbështetjes dhe të qenit gjithmonë pranë të birit.