Një nënë nga Korça, Volsjana Plasa, denoncon se djali i saj 4-vjeçar është dhunuar nga edukatorja në kopshtin nr. ...
SHOWBIZ
Mbretëresha e Spanjës guxon me veshjen, shfaqet në publik me...
PiranjatPërditësimi i fundit 25 Nëntor 2025, 14:23
Mbretëresha e Spanjës, Letizia, është komentuar shpeshherë për stilin e saj të veshjes. E mesa duket as ajo nuk i ka shpëtuar trendit më të fundit të modës “naked dressing” stil që luan me transparencën, prerjet delikate dhe nuancat nude për të krijuar iluzionin e një pamjeje të zhveshur, por gjithnjë të rafinuar.
Prej kohësh, ajo është konsideruar si një nga ikonat më të hijshme të Europës, e së fundmi u shfaq me një veshje që dëshmon
se eleganca nuk njeh kufij, madje as për familjet mbretërore.
Mbretëresha Letizia zgjodhi një bluzë gri me efekt të lehtë transparent aq sa duhet për të qenë në trend, por pa cenuar protokollin mbretëror. Pëlhura me shkëlqim metalik të butë, jakat me fjongo dhe kopsat e imëta i jepnin një pamje të lehtë, moderne dhe jashtëzakonisht fine. Ndërsa nuk zbulonte asgjë të ekzagjeruar, bluza krijonte një hije delikate mbi lëkurë, duke sjellë një interpretim të sofistikuar të “naked look”.
Letizia e kombinoi bluzën me një fund të zi prej lëkure, me gjatësi mesatare, që i jepte gjithë pamjes një linjë të pastër e bashkëkohore. Aksesorët ishin të zgjedhur me kujdes: këpucë Tod’s Barretta, çantë Carolina Herrera Victoria Insignia dhe vëthë rrethorë prej ari.
Flokët i mbante të lëshuara natyral, dhe kur u freskua, hodhi thjesht një pallto të zezë mbi supe,një gjest i vogël që e shndërroi look-un në akoma më shumë “super chic”.
