Një aksident rrugor është regjistruar në zonën e 21 Dhjetorit në Tiranë, ku një automjet tip “Audi” ës...
AKTUALITET
Shpërthim me tritol në një dyqan lulesh në Tufinë, Policia: Kemi identifikuar autorin!
PiranjatPërditësimi i fundit 1 November 2026, 10:27
Një shpërthim është regjistruar në orët e para të mëngjesit të 1 nëntorit në zonën e Tufinës, në kryeqytet, ku një sasi e vogël e dyshuar lënde plasëse është hedhur në tarracën e një dyqani lulesh.
Sipas informacionit paraprak të Policisë, ngjarja ka ndodhur rreth orës 02:45, në biznesin në pronësi të një 65-vjeçari me inicialet A. K.
Si pasojë e shpërthimit janë shkaktuar vetëm dëme të vogla materiale, ndërsa fatmirësisht nuk raportohet për persona të lënduar.
Policia bën me dije se, pas veprimeve të para hetimore, është bërë i mundur identifikimi i autorit të dyshuar. Megjithatë, për shkak të vijimit të hetimeve, identiteti i tij nuk bëhet publik.
Njoftimi:
Tiranë/Informacion paraprak
Më datë 01.11.2026, rreth orës 02:45, në Tufinë, në tarracën e një dyqani lulesh, në pronësi të shtetasit A. K., rreth 65 vjeç, është hedhur dhe ka shpërthyer një sasi e vogël e dyshuar lënde plasëse.
Si pasojë janë shkaktuar dëme të vogla materiale.
Nga veprimet hetimore të kryera është bërë i mundur identifikimi i autorit të dyshuar. Për shkak të vijimit të hetimeve, nuk bëhen me dije gjeneralitetet e tij.
Grupi hetimor, nën drejtimin e Prokurorisë, vijon veprimet për dokumentimin e plotë të rastit dhe sqarimin e rrethanave të saj.
