Një atmosferë e tensionuar dhe e mbushur me emocione ka pushtuar rrugët jashtë Dhomave të Specializuara në Hagë, ku po mbah...
SPORT
Asnjë “çmenduri” financiare, PSG-Dembele, rinovimi mbetet pezull
PiranjatPërditësimi i fundit 16 Janar 2026, 11:51
Te PSG hapet çështja Dembélé. Rinovimi i kontratës së yllit francez nuk është më aq i sigurt. Klubi parisien ka nisur bisedimet për zgjatjen e marrëveshjes, pavarësisht se kontrata aktuale është e vlefshme deri në vitin 2028, por ka vendosur rregulla të qarta: asnjë tejkalim i tavanit të pagave.
Pas një sezoni të shkëlqyer dhe me statusin e një prej liderëve të skuadrës, Dembélé kërkon një përmirësim të ndjeshëm financiar. Megjithatë, drejtuesit e PSG-së janë të vendosur të ruajnë ekuilibrat ekonomikë dhe të mos përsërisin gabimet e së kaluarës me kontrata jashtë kontrollit.
Mesazhi i klubit është i prerë: nuk do të ketë “çmenduri” pagash, edhe për lojtarët më të rëndësishëm. Një qëndrim që ka ftohur negociatat dhe ka shtuar dyshimet për të ardhmen e anësorit francez në Paris.
Nëse palët nuk gjejnë një marrëveshje të përbashkët në muajt në vijim, skenari i largimit nuk përjashtohet. Në horizont mbetet pista e Arabisë Saudite, e gatshme të ofrojë shifra shumë të larta për ta joshur Dembélén larg futbollit evropian. Situata mbetet e hapur dhe zhvillimet priten me interes të madh në javët e ardhshme.
