Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
SPORT
Cristiano Ronaldo dhe Georgina Rodriguez zgjedhin vendin për dasmën e tyre. Pse përzgjedhja ka simbolikë të veçantë
PiranjatPërditësimi i fundit 25 Nëntor 2025, 22:09
Cristiano Ronaldo dhe Georgina Rodriguez kanë vendosur vendin ku do të zhvillohet ceremonia e tyre, të cilësuar nga mediat si “dasma e dekadës”. Sipas “Jornal da Madeira”, çifti do të kurorëzojë lidhjen verën e ardhshme në Katedralen e Funchal, ndërsa festa do të organizohet në një hotel luksoz të zonës.
Vendimi ka një simbolikë të veçantë për yllin portugez: katedralja ndodhet rreth 2.4 kilometra nga spitali ku ai ka lindur dhe vetëm pesë kilometra nga qendra stërvitore e Nacional da Madeira, ekipi ku ai hodhi hapat e parë në futboll.
Ronaldo dhe Georgina u fejuan në gusht, pas më shumë se nëntë viteve së bashku. Futbollisti e surprizoi partneren me një unazë prej 1.5 milion paundësh, ndërsa propozimi — sipas tij — ishte i paplanifikuar.
“Ishte rreth orës 1 të mëngjesit. Vajzat po flinin. Një nga shoqet e mia më dha unazën dhe fëmijët më thanë: ‘Babi, do t’ia japësh unazën mamit?’. Aty e kuptova që ishte momenti i duhur,” ka rrëfyer Ronaldo për Piers Morgan. “Nuk u gjunjëzova sepse nuk isha i përgatitur, por ishte një moment shumë i bukur. E dija që ajo ishte gruaja e jetës sime.”
Ai shtoi se ceremonia do të mbahet pas Kupës së Botës, ndërsa Georgina pëlqen një dasmë të thjeshtë dhe intime. “Do ta respektoj dëshirën e saj. Nuk i pëlqejnë festat madhështore. Ajo më pyeti vetëm nëse isha i sinqertë – dhe i thashë se e dua dhe dua të martohem me të,” u shpreh Ronaldo.
Kapiteni i ekipit kombëtar kroat dhe mesfushori i Milanit, Luka Modric, ishte i ftuar në emisionin (Un)Success of the Champions me ish-trajnerin e e...
