Gjyqtarët e Republikës kërkojnë zbatimin e menjëhershëm të vendimit të Gjykatës Kushtetuese për pagat e magj...
SPORT
Henry mahnitet nga dyshja Dembele-Kvaratskhelia: Janë makth për çdo mbrojtje!
PiranjatPërditësimi i fundit 7 Maj 2026, 15:55
Kualifikimi i PSG në finalen e UEFA Champions League konfirmoi edhe një herë forcën ofensivë të dyshes Khvicha Kvaratskhelia dhe Ousmane Dembélé, të cilët ishin protagonistët kryesorë në suksesin ndaj Bayernit.
Në aksionin vendimtar të takimit, Kvaratskhelia rikuperoi topin, avancoi me shpejtësi dhe dhuroi një asist perfekt për Dembele, i cili mposhti pa vështirësi Manuel Neuer që në minutat e para të sfidës. Goli rezultoi vendimtar për sigurimin e biletës drejt finales.
Pas ndeshjes, legjenda franceze Thierry Henry nuk i kurseu elozhet për dyshen sulmuese të PSG-së gjatë analizës për CBS Sports.
“Kjo dyshe është një makth për çdo mbrojtje, kur ke dy lojtarë krahu që mund të të shkatërrojnë në mënyra të ndryshme”, deklaroi Henry.
Ish-sulmuesi i Arsenalit e konsideroi golin e Dembele si shembullin perfekt të bashkëpunimit mes të dyve.
“Kvaratskhelia fitoi topin, sulmoi menjëherë dhe dha pasimin ideal për Dembele. Ai gol i hershëm praktikisht vendosi fatin e ndeshjes”, shtoi Henry.
Sipas tij, forca e PSG-së qëndron te kombinimi perfekt i karakteristikave të dy lojtarëve: “Njëri shpërqendron mbrojtësit, ndërsa tjetri shfrytëzon hapësirat. Është spektakël i pastër. Dembele është shumë klinik para portës, ndërsa Kvaratskhelia krijon kaos me driblimet dhe vizionin e tij”.
