Pas pak pritet të nisë seanca plenare. Disa nga deputetët socialistë kanë hyrë në Kuvend.
Ndërsa protestuesit kan&eum...
SPORT
I doli në mbrojtje Viniciusit, legjenda e Benfikës denoncon: Fyerje raciste nga tifozët, më kërcënuan të mos shkel më në stadium
PiranjatPërditësimi i fundit 19 Shkurt 2026, 10:43
Ish-futbollisti brazilian Luizao, një nga legjendat e klubit të Benfikës pasi për më shumë se një dekadë ka veshur fanellën e kësaj skuadre, është bërë objekt sulmesh nga tifozët portugezë pasi i doli në mbrojtje Vinicius pas ngjarjeve të turpshme në Ligën e Kampioneve.
Ai me një postim në rrjete sociale mori në mbrojtje Viniciusin, duke qenë i sigurt se ai kishte përjetuar ofendime raciste nga lojtari i Benfikës, Prestiani, duke marrë si përgjigje kërcënime nga ish-tifozët e tij.
“Më fyen në rrjete sociale, më quajtën majmun, Judë dhe më thanë që nuk do të shkel më në stadiumin e Benfikës”, tha ish-futbollisti 45-vjeçar, i cili tashmë është komentator për “ESPN Brazil”.
“Fanella e Benfikës është lëkura ime dytë! Më trishton kjo situatë, sidomos kur pozicionohemi për një gjë shumë serioze siç është racizmi.
Por mendoj se Vinicius është një hero dhe ëëj model që duhet ndjekur në mbrojtjen e luftës kundër paragjykimeve, kundër racizmit. Të dhemb shumë, ndjen keqardhje pasi nuk mund të bësh asgjë, nuk mund të veprosh. Unë shpresoj që Europa, e cila është gjithmonë pikë referimi, të jetë gjithashtu e bashkuar kundër racizmit”, ishin fjalët e brazilianit.
