Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
SPORT
“Mrekullitë” që e bëjnë Superioren unike, të 4 skuadrat e fundit marrin fitore në dy javë radhazi. Tabela tani duhet të shihet kokëposhtë
PiranjatPërditësimi i fundit 2 Maj 2026, 22:54
Kategoria Superiore trumbetohet vazhdimisht nga aktorët e saj si një kampionat me shumë rivalitet dhe i ekuilibruar. Por çuditërisht i gjithë ky ekuilibër dhe forca e disa skuadrave, del në pah sidomos në fazën e fundit të kampionati, sidomos kur rrezikojnë mbijetesën. Faza e fundit e edicionit 2025-2026 ka qenë shembulli i vërtetë i asaj që e bën Superioren kampionatin e “mrekullive”
Java e 34-t dhuroi diçka shumë të rrallë për futbollin profesionist, ku të katër skuadrat që mbajnë vendet e fundit dhe të përfshira në luftën për mbijetesë, fituan me ekipe që renditen sipër tyre, edhe kryesuese. Diçka e rrallë për të tjerët, por jo për Superioren e “mrekullive”, pasi një gjë të tillë, tifozët e kampionatit tonë e kanë shijuar për dy javët e fundit radhazi!
Jo vetëm kaq, pasi ndërsa ekipet e kreut vuajnë të sigurojnë rezultate e një prej tyre si Egnatia ka katër humbje radhazi, katër skuadrat e fundit kanë 4 javë që nuk shijon asnjëra disfatë. Mund të ishin 5 të tilla, por “biografinë” ua prishi Bylisi që u mposht pikërisht nga Egnatia në javën e 30-të.
Kjo ecuri bën që tabela të shihet kokëposhtë me kuptimin e plotë të fjalës po të marrësh për bazë formën e skuadrave në ndeshjet e fundit të saj, gjë që e bën padyshim kampionatin tonë më unik në llojin e tij në botë.
