Gjykata Penale ka vendosur lirimin e tre protestuesve të ndaluar gjatë protestave studentore, të cilat vijojnë prej dy javësh në...
SPORT
Nga Allegri te Modric, askush s’e ka vendin e sigurt te Milani pa Champions
PiranjatPërditësimi i fundit 6 Maj 2026, 10:53
E ardhmja e Milanit mbetet e paqartë në prag të mbylljes së sezonit, me vetëm tri ndeshje të mbetura dhe objektivin madhor ende në diskutim: kualifikimin në UEFA Champions League. Kuqezinjtë po përjetojnë një moment delikat, ku diferenca mes pjesëmarrjes në Champions dhe një sezoni në Europa League mund të sjellë pasoja të mëdha, si në aspektin sportiv ashtu edhe financiar. Një dështim për të hyrë në “top 4” rrezikon të thellojë hendekun me rivalët e Interit dhe të imponojë një ridimensionim të projektit.
Në qendër të këtij skenari është edhe e ardhmja e Luka Modrić. Mesfushori kroat, një nga liderët e skuadrës së drejtuar nga Massimiliano Allegri, nuk ka marrë ende një vendim përfundimtar mbi vazhdimësinë e tij. Fillimisht, ai kishte shtyrë çdo diskutim pas angazhimeve ndërkombëtare, por mungesa në Champions mund ta shtyjë drejt largimit, apo edhe drejt tërheqjes nga futbolli.
Por rreziku nuk ndalet vetëm te Modrić. Edhe pozicioni i Allegrit mund të vihet në pikëpyetje nëse objektivi minimal i sezonit nuk arrihet. Trajneri italian u rikthye pikërisht për të rikthyer Milanin në elitën europiane, dhe një dështim në këtë drejtim do të konsiderohej një hap pas.
Ndikimi do të ndihet fort edhe në merkato. Pa të ardhurat dhe atraktivitetin e Champions-it, klubi mund të detyrohet të ndryshojë strategji, duke hequr dorë nga emra të mëdhenj dhe duke u fokusuar te profile më të rinj dhe projekte afatgjata. Njëkohësisht, disa nga lojtarët aktualë mund të largohen.
Për të shmangur këtë skenar, Milanit i nevojiten të paktën 6 pikë në tre sfidat e fundit kundër Atalantës, Cagliarit dhe Genoa-s. Në letër, një objektiv i arritshëm. Në fushë, gjithçka mbetet për t’u provuar.
