Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
SPORT
Nga suksesi në Argjentinë te stoli i Realit, performancat e Mastantuono janë larg pritshmërive
PiranjatPërditësimi i fundit 24 Nëntor 2025, 11:55
Franko Mastantuono pësoi një transformim të madh verën e kaluar. Një klub i ri, një ligë shumë e ndryshme nga ajo argjentinase dhe një rol krejtësisht i ndryshëm nga ai që luajti te River Pleit.
Ai kaloi nga të qenit xhevahiri i ndritshëm dhe i dukshëm i “Milionerëve” në një talent të ri që kërkonte vendin e tij midis elitës, brenda një skuadre, standardet kërkuese të së cilës gllabërojnë çdo hapësirë. Real Madridi nuk pret, as nuk respekton ritmin e askujt. Dhe ylli argjentinas mbërriti në Bernabéu duke mbajtur një plagë që e kishte origjinën në Kupën e Botës për Klube, turneu i tij i fundit me Riverin, përpara se t’i bashkohej skuadrës së Çabi Alonsos .
“Versioni im më i mirë ende nuk ka ardhur. Pata një periudhë të shkëlqyer te River që më solli këtu, por nuk është kulmi im”.
Kështu ka deklaruar argjentinase në nisje të La Ligës. Duket se vendin në formacion e ka zënë, por performanca e tij është larg pritshmërive. Dëshira e tij për të bërë përshtypje dhe për të fituar një vend në formacionin titullar pa dashje u bë pengesa e tij e parë. Franko pati mundësi. Gjashtë ndeshje si titullar në shtatë ndeshjet e tij të para për Real Madridin. Megjithatë, ai dështoi të largonte dyshimet ose të tregonte superioritetin e nevojshëm për të pretenduar një pozicion që mbetet i paqëndrueshëm në sistemin e trajnerit.
Ndeshjet u grumbulluan dhe argjentinasi nuk mundi të gjente ritmin e tij. Personaliteti dhe guximi i tij, virtyte thelbësore për suksesin te Real Madridi, u përplasën me mospërputhje në ekzekutim dhe vendimmarrje. Talenti ishte aty, i dukshëm, por ende kishte nevojë për përsosje për të arritur pastërtinë e yjeve të mëdhenj.
