Dy kompanitë e mikrokredive, të cilat aplikojnë interesat më të larta në treg, fituan 11 milionë euro neto vitin e kaluar. ...
SPORT
Letra misterioze e mbështjellë me peshqir/ Si portieri i PSG-së që dikur Bernard Berisha i shënonte me roveshatë priti 4 penallti
PiranjatPërditësimi i fundit 18 Dhjetor 2025, 07:55
Para gjuajtjeve të penalltive në finalen e Intercontinental Cup mes PSG-së dhe Flamengos, portieri i skuadrës franceze, Matvej Safonov, u pa duke biseduar me stafin teknik dhe më pas mori një shënim të fshehur, të mbështjellë në një peshqir.
Në letër kishte udhëzime konkrete mbi drejtimet se ku lojtarët e Flamengos pritej të gjuanin penalltitë.
Safonov e mbajti shënimin me vete gjatë gjithë serisë së penalltive, pa e lëshuar asnjë moment deri në fund. Dhe plani funksionoi në mënyrë perfekte.
Portieri rus u shndërrua në heroin absolut të PSG-së, duke pritur plot katër nga pesë penalltitë e lojtarëve të Flamengos dhe duke i siguruar skuadrës franceze fitoren pas barazimit 1-1 në kohën e rregullt dhe shtesat.
Performanca e Safonovit jo vetëm që shpëtoi PSG-në pas gabimeve të Dembele dhe Barkolas nga pika e bardhë, por edhe tregoi rëndësinë e analizës, përgatitjes dhe detajeve të vogla që vendosin trofe. Në fund, letra “sekrete” dhe qetësia e portierit bënë diferencën.
Interesant është fakti se më 14 korrik të 2019-ës, sulmuesi aktual i Dinamos Bernard Berisha, në atë periudhë pjesë e Akhmat Groznit i shënoi gol me roveshatë Safonovit kur ky i fundit ishte pjesë e Krasnodar në Rusi.
GOLI I BERISHËS ME ROVESHATË I SHËNUAR NË PORTËN E SAFONOVIT: VIDEO
