Tre persona janë arrestuar dhe 2 të tjerë janë proceduar në gjendje të lirë. Pas sherrit të ndodhur një ditë...
SPORT
Tragjedi në detin e Indonezisë, trajneri spanjoll dhe tre fëmijët e tij humbin jetën pas fundosjes së varkës me turistë
PiranjatPërditësimi i fundit 28 Dhjetor 2025, 14:59
Sipas autoriteteve lokale, anija u përball me dallgë shumë të forta, deri në rreth 3 metra, dhe u mbyt pranë destinacionit turistik të njohur Labuan Bajo.
Në bord ndodheshin gjithsej 14 persona. Shtatë prej tyre u shpëtuan, përfshirë katër anëtarë të ekuipazhit dhe një guidë turistike.
Mes të mbijetuarve janë bashkëshortja e trajnerit, Andrea, si dhe vajza e tyre shtatëvjeçare, Mar.
Ekipet e emergjencës vijojnë kërkimet për gjetjen e trupave të Fernando Martinit dhe tre fëmijëve të tij.
Klubi i Valencias reagoi me një njoftim zyrtar, ku shprehu dhimbjen e thellë për humbjen:
“Jemi thellësisht të pikëlluar nga ndarja nga jeta e Fernando Martín, trajner i Valencia CF Femenino B, dhe tre fëmijëve të tij, pas një aksidenti tragjik detar në Indonezi, siç është konfirmuar nga autoritetet lokale.
Në këtë moment jashtëzakonisht të vështirë, klubi shpreh ngushëllimet më të sinqerta dhe mbështetjen e plotë për familjen, miqtë dhe kolegët e tij.”
Pamje të publikuara nga Agjencia Kombëtare e Kërkim-Shpëtimit tregojnë punonjës të emergjencës duke ndihmuar të mbijetuarit për të dalë në breg. Autoritetet kanë vendosur gjithashtu mbylljen e ishullit Padar për turistët, për shkak të kushteve ekstreme të motit.
Aksidentet detare janë relativisht të shpeshta në Indonezi, shpesh si pasojë e motit të keq dhe standardeve të dobëta të sigurisë. Kjo tragjedi e fundit ka rihapur debatet mbi sigurinë e transportit detar në zonat turistike të vendit.
