Një 23-vjeçar në Korçë, i cili duhej të qëndronte në arrest shtëpie, është kapur nga policia pas di...
SPORT
Valverde përfundoi në spital pas sherrit me shokun e skuadrës, reagon zyrtarisht Reali: Kemi vendosur që…
PiranjatPërditësimi i fundit 8 Maj 2026, 08:58
Real Madrid po mendon që të pezullojë Federiko Valverden dhe Aurelien Tçuamenin, pasi përplasjes fizike në stërvitje. Zënka mes dy lojtarëve nisi dje, ndërsa sot ishte dhe kulmi ku Valverde përfundoi në spital.
Reali ka reaguar zyrtarisht. Madrilenët njoftuan se kanë hapur procedurat disiplinore, ndërsa të dy lojtarët rrezikojnë të mos luajnë ndaj Barcelonës.
“Real Madridi njofton se pas incidenteve që ndodhën këtë mëngjes gjatë seancës stërvitore të ekipit të parë, ka vendosur të hapë procedura disiplinore kundër lojtarëve tanë Federiko Valverde dhe Aurelien Tçuameni.
Klubi do të japë përditësime mbi të dy procedurave pasi të jenë përfunduar procedurat përkatëse të brendshme”, shkruhet në njoftimin zyrtar të Realit.
Në Spanjë u raportua se pas incidentit të djeshëm, Valverde pasi nuk u takua në mëngjes me shokun e skuadrës, vazhdimisht i kërkoi llogari Tçuamenit sot. Po ashtu, duke i ushtruar presion dhe duke e konsideruar Tçuamenin si personin që kishte folur me shtypin sportiv për incidentet.
Më pas, ndërhyrjet e ashpra në stërvitje u kthyen në kryefjalë. Pas seancës stërvitore, në dhomat e zhveshjes ishte Tçuameni që e goditi Valverden. Nga rënia pësoi edhe dëmtim, për këtë Valverde pati nevojë për t’u transportuar drejt spitalit.
