Këshilli i Përgjithshëm i Dhomës së Avokatisë do të mblidhet sot në mesditë për të vendosur lidhur me vi...
BOTA
Sulmi i ujqërve ndaj 8-vjeçares në Gjermani, mbyllet përkohësisht parku i kafshëve të egra
PiranjatPërditësimi i fundit 30 October 2026, 12:26
Një vajzë vetëm 8 vjeçe është plagosur rëndë pas një sulmi nga ujqërit në një park të kafshëve të egra në Gjermani. Ngjarja e rëndë ndodhi në parkun Johannismühle, në Baruth/Mark, në landin e Brandenburgut, në jug të Berlinit.
Sipas policisë, në momentin e sulmit, vajza ndodhej brenda një hapësire të rrethuar, së bashku me një punonjës të parkut dhe dy fëmijë të tjerë. Për shkaqet dhe rrethanat e sakta të incidentit ka nisur një hetim policor.
E mitura pësoi plagë të rënda në kokë dhe u transportua me helikopter drejt spitalit për të marrë ndihmën e nevojshme mjekësore. Fatmirësisht, dy fëmijët e tjerë dhe punonjësi që ndodheshin në vendngjarje nuk pësuan lëndime.
Sipas raportimeve të gazetës gjermane Bild, sulmi ndodhi përpara orarit zyrtar të hapjes së parkut, në orën 10:00, dhe dyshohet se vajza mund të ketë qenë pjesë e një vizite të posaçme.
Parku Johannismühle organizon vizita në grupe të vogla, gjatë të cilave vizitorët mund të afrohen me disa prej kafshëve, përfshirë ushqyerjen e ujqërve. Pas incidentit, autoritetet vendosën mbylljen e përkohshme të parkut, i cili, sipas njoftimit në faqen zyrtare, pritet të rihapet më 2 nëntor.
Në këtë park mbahen ujqër gri dhe arktikë, arinj të murrmë, rrëqebuj dhe disa lloje të tjera kafshësh të egra. Ngjarja ka rikthyer vëmendjen te siguria e vizitorëve në parqet zoologjike dhe ato të kafshëve të egra në Evropë, pas një serie incidentesh të ngjashme të raportuara në vende të ndryshme të kontinentit.
Kryeministrja italiane Giorgia Meloni ka rikonfirmuar qëndrimin e saj ndaj presidentit amerikan Donald Trump, duke deklaruar hapur se nuk ka asnjë ars...
