Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
SOCIALE
Partizani-Egnatia dhe Tirana-Kukësi/ Të kuqve dhe bardhebluve s'u lejohet hapi fals
Dorela KajoPërditësimi i fundit 10 Prill 2023, 13:05
“Ne do të bëjmë më të mirën për ta fituar ndeshjen tonë”,- ka thenë trajneri i Partizanit, Giovani Colella.
TIRANE - Pas dy takimeve të javës së 28-të të Superiores, Vllaznia-Erzeni (3-1) dhe Teuta-Laçi (1-2), sot të luhen edhe dy takime që do të mbyllin javën. Sikurse dihet, takimi i djeshëm, Kastrioti-Bylis është pezulluar nga FSHF, me pretendimin se gjyqtarët e caktuar këtë ndeshje janë kërcënuar, gjë për të cilën organi i futbollit shqiptar ka nisur edhe një hetim.
Kryesueset e Superiores, Partizani dhe Tirana do të luajnë të hënën, në nisje të kësaj faze të katërt të sezonit, duke qenë se ndodhen në të njëjtën kuotë pikësh dhe vetëm përballjet direkt në favor të të kuqve i mbajnë ata përpara.
Partizani do të udhëtojë drejt Rrogozhinës për të zhvilluar ndeshjen ndaj Egnatias, e cila në takimet të fundit ka rikuperuar ndjeshëm dhe ka siguruar për momentin vendin e tretë.
“Egnatia është e treta. Ata kërkojnë të fitojnë që të hyjnë në lojën për titullin. Për mendimin tim Egnatia është një skuadër e fortë, e kam thënë gjithmonë. Sigurisht që ata do të bëjnë maksimumin për ta fituar ndeshjen. Nëse e realizojnë këtë gjë do të jenë një kundërshtar në luftën për titull. Por ne do të bëjmë më të mirën për ta fituar ndeshjen tonë. Nëse nuk e arrijmë do të synojmë të njëjtën gjë ndeshjen e radhës”, tha trajneri i Partizanit, Giovani Colella. Partizani është nisur në grumbullim që ditën e sotme ku do të zhvillojë seancën e fundit stërvitore në Luz të Kavajës.
Ndërkohë, Tirana do të presë në “Elbasan Arena” skuadrën e Kukësit, e cila po kalon një periudhë të vështirë rezultatesh dhe financiare. Gjithsesi përballjet e këtyre dy skuadrave kanë qenë gjithmonë interesante në vitet e fundit, duke premtuar paraprakisht një ndeshje të luftuar, ku bardhebluve nuk u lejohet hapi fals.
Dje u shpernda ne rrjet nje foto ku Olsi, nje 32 vjeçar me probleme te shendetit mendor, i njohur nga te gjithe si personazh gazmor, dergjej i vdekur ne ...
