Vlora mbulohet nga mjegulla/ Reshje shiu në vend, vështirësohet qarkullimi rrugor në akset malore

Reshje të dendura shiu kanë përfshirë rajonin e Vlorës gjatë ditës së sotme ku janë shoqëruar me mjegull të dendur.

Bëhet me dije se në disa segmente rrugore kryesore, kjo situatë ka krijuar vështirësi në qarkullimin e mjeteve.

Zonat më problematike kanë qenë kryesisht akset që ndodhen në lartësi të konsiderueshme mbi nivelin e detit si Qafa e Llogorasë, rruga e Kaninës, gjithashu edhe By-Pass-i i Vlorës.

Për këtë arsye, drejtuesit e automjeteve janë detyruar të ulin shpejtësinë dhe të shtojnë kujdesin gjatë rrugës që përshkonin.