Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Aksident i rëndë, gazetari sportiv përplaset nga autobusi, detajet e para Tensione para Kryeministrisë, policia nuk lejon qytetarët të protestojnë, hedhin spray lotsjellës Speca me prani të lartë nikeli/ Kroacia bllokon sërish ngarkesat nga Shqipëria, hera e pestë në pak muaj Gjobë 1 milion lekë në muaj çdo filiali poste në Durrës, ja si ngriti skemën Fetah Mataj! Zbardhen dëshmitë... Tensione te Kryeministria, policia shtyn me forcë qytetarët në trotuar “Jalta e re” zgjati 80 minuta/ Fituesit dhe humbësit e takimit historik mes Xi, Trump dhe Putin Skandali në Postën e Durrësit/ Jo vetëm pensionet, dyshohet se u vodhën edhe pagesat e qytetarëve për Kadas... Pse kryeministri kanadez shkoi në Kinë dhe nuk mori pjesë në bisedimet e sotme për Ukrainën? Haaland i jashtëzakonshëm, arrin 68 gola sa Mbappe por me 47 ndeshje me pak Arrestohet në Shkodër 45-vjeçari i shpallur në kërkim nga Italia, pritet ekstradimi “Lulet vyshken, por dashuria mbetet gjithmonë”, Brikena Selmanaj merr dhuratën e veçantë, mesazhi i saj ngr... Rënie historike e euros, monedha europiane zbret nën 90 lekë për herë të parë
AKTUALITET

Abilekaj: Krimi i organizuar punon për pushtetin, jo për protestën. Policia dhe bandat janë në paqe

P
Piranjat19 November 2026, 22:03 · 4 min lexim
Abilekaj: Krimi i organizuar punon për pushtetin, jo për

Gazetari Enton Abilekaj, i ftuar në emisionin ‘Çim Peka LIVE’ në SYRI TV, deklaroi se krimi i organizuar nuk është pas protestës, siç pretendon kryeministri Edi Rama, por se dihet shumë mirë se për kë punon, si në zgjedhje, ashtu edhe jashtë tyre.

Abilekaj argumentoi se vetë përplasja mes policisë dhe protestuesve rrëzon pretendimin për përfshirjen e krimit të organizuar në protestë. Sipas tij, policia dhe krimi i organizuar janë në paqe me njëri-tjetrin dhe nuk ka arsye që grupet kriminale të përplasen me policinë nëse do të ishin pjesë e protestës.

‘Policia dhe krimi i organizuar janë në paqe me njëri-tjetrin. Kështu që fakti që ai shefi i Komisariatit nr. 1 përplaset me protestuesit tregon që nuk ka krim të organizuar atje. Mjafton kjo për ta kuptuar’, u shpreh gazetari.

‘Dihet shumë mirë se për kë punon krimi i organizuar edhe në zgjedhje, edhe kur nuk ka zgjedhje’, theksoi Abilekaj.

‘Për krimin e organizuar është shumë e thjeshtë. Nëse krimi i organizuar do të ishte pas protestës, atëherë nuk do të ishte në përplasje me policinë. Policia dhe krimi i organizuar janë në paqe me njëri-tjetrin. Prandaj, fakti që shefi i Komisariatit nr. 1 përplaset me protestuesit tregon se krimi i organizuar nuk është aty. Mjafton kjo për ta kuptuar.

Përtej ironisë, dihet shumë mirë se për kë punon krimi i organizuar, si në zgjedhje, ashtu edhe kur nuk ka zgjedhje.

Çështja e dytë lidhet me marrëdhënien mes protestës dhe partive politike, pasi protesta ka natyrshëm kërkesa politike, ndërsa partitë janë aktorë politikë. Problemi qëndron te fakti se, nëse në protestë përfshihen parti të vogla, ato nuk kanë fuqinë për t'iu imponuar asaj. Përkundrazi, mund të shkrihen fare mirë me protestën, pasi numrat janë të tillë.

Nëse në protestë shkon një parti e madhe, si Partia Demokratike, lind menjëherë frika se ajo mund ta gllabërojë protestën, për shkak se ka një numër shumë më të madh mbështetësish. PD-ja është partia më e madhe e opozitës dhe anëtarësia e saj mund të dominojë. Për këtë arsye, është normale që prania e saj të shihet me skepticizëm.

Një arsye tjetër është se në Partinë Demokratike ka figura të konsumuara, madje të stërkonsumuara, të cilat mbajnë përgjegjësi për situatën e krijuar. Protesta nuk mund të identifikohet apo të lidhet me këto figura, sepse në këtë mënyrë humbet kartën morale, që është edhe forca më e madhe e saj sot.

Nëse sot protesta ka mbështetje, kjo ndodh sepse aty janë bashkuar grupe të ndryshme njerëzish, me ideologji dhe bindje të ndryshme, madje edhe njerëz pa përkatësi ideologjike, por që nuk janë përgjegjës për atë që ka ndodhur në Shqipëri.

Deri më tani, gjysma e protestuesve janë në burg, të tjerët në spital, ndërsa të tjerë janë gjobitur me 5 milionë lekë. Kemi 101 qeveritarë që, nëse nuk gaboj, janë të arrestuar, ndërsa janë zbuluar 50 persona që kryenin akte kriminale. Megjithatë, deklarata e Kryeministrit është se bandat dhe krimi i organizuar vijnë nga protesta.

Edhe gjobat që u vendosen vazhdimisht qytetarëve që marrin pjesë në protesta paqësore, thjesht pse dalin të protestojnë, i largojnë nga protesta ata që nuk kanë mundësi t'u shmangen këtyre masave.’, u shpreh Enton Abilekaj në SYRI TV.

SHPËRNDAJE

Lexo edhe

AKTUALITET

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.