Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Kombëtarja U-21/ Trajneri Bushi: Spanja kundërshtar i nivelit të lartë, do të luf*ojmë me shpirt e zemër... Sonte përballja e titanëve europianë Gjermani-Holandë ‘Japin pak dhe marrin shumë’/ Zhupa: Buxheti i Ramës, mekanizëm për vjedhje dhe blerje votash Pastrim parash në bashkëpunim dhe më shumë se një herë/ Igli Tare mes emrave në dosjen e dorëzuar për gjyki... Dosja Balluku në gjykatë/ Kush janë 25 personat dhe dy kompanitë e tjera të pandehura nga SPAK? 10 tenderat... REL: Kënga nacionaliste serbe në koncertin e BE-së, gabim njerëzor apo provokim ndaj Kosovës? UEFA po shqyrton kandidaturën e Luis Figos kundër Infantinos për president të FIFA-s Ndryshoi pamjen dhe mori identitetin e motrës, si u zbulua grabitësi në Turqi SPAK dërgon për gjykim dosjen penale ndaj Belinda Ballukut Asambleja e PS/ Rama kërkoi përjashtimin e Spiopalit dhe Ndrecës, Petro Koçi shënjestron Ballukun: Vendimi ... Moti i keq/ Reshjet e shiut përfshijnë Kukësin, rënie gurësh dhe intertesh në rrugët nacionale Ambalazhet ushqimore nën kontroll për kimikatet, analiza të detyrueshme për bizneset
POLITIKE

“Administratë të jetë neutrale”- PD bën gati dokumentin për Reformën Zgjedhore pas vetos: Të ndalohet patronazhimi

P
Piranjat16 November 2026, 17:43 · 3 min lexim
“Administratë të jetë neutrale”- PD bën gati

Pas vendosjes së vetos në mbledhjen e fundit nga Partia Demokratike, puna në Komisionin e Posaçëm të Reformës Zgjedhore ka ngecur, por, teksa afatet po ngushtohen, palët po vijojnë punën për të pasur draftet gati.

Dokumenti tregon qëndrimin e selisë blu se çfarë duhet të ndryshojë në ligjet elektorale për të pasur një administratë neutrale në zgjedhje, në mënyrë që partia në pushtet të ndahet nga shteti.

Garancia pesëvjeçare për punonjësit është një ndër faktorët që ndikon në depolitizim dhe për të mos i detyruar ata të votojnë me urdhra.

Propozimi i Partisë Demokratike: “Regjimi pesëvjeçar është kornizë kalimtare, jo ndalim i pandërprerë i veprimtarisë politike gjatë pesë viteve. Përgjatë periudhës pesëvjeçare, jashtë periudhave zgjedhore veprojnë ndalimet e përhershme të presionit, patronazhimit dhe përdorimit partiak të funksionit.

Me afrimin e votimit aktivizohen, në afate të parashikuara shprehimisht në ligj, barriera të shkallëzuara: nga dekretimi, nga dita e 75-të përpara votimit, gjatë fushatës 30-ditore dhe pas votimit deri në kalimin efektiv të pushtetit. Intensiteti i mbrojtjes rritet me afërsinë e zgjedhjeve dhe me kompetencat hierarkike të personit”.

Në përfundim të kësaj periudhe do të rishikohet mundësia e zgjatjes së kësaj garancie.

Propozimi i Partisë Demokratike: “Vijimi për një periudhë tjetër, jo më të gjatë se pesë vjet, bëhet vetëm me vendim të shprehur të Kuvendit, sipas kushteve dhe kufijve të përcaktuar paraprakisht në ligj. Në mungesë të këtij vendimi, masat e posaçme përfundojnë, ndërsa ndalimet e përhershme kundër patronazhimit dhe presionit politik mbeten në fuqi”.

Patronazhimi, sipas demokratëve, është plaga më e madhe e zgjedhjeve, ndaj këtë fenomen thonë se duan ta çrrënjosin.

Propozimi i Partisë Demokratike:

“Ndalohet lidhja, e shprehur ose e nënkuptuar, e rekrutimit, karrierës, vlerësimit, disiplinës ose mbajtjes në punë me pjesëmarrjen në aktivitete politike, sigurimin e votave, kontaktimin e zgjedhësve, publikimin në rrjetet sociale apo raportimin mbi sjelljen e kolegëve. Ndalohet kërkimi i listave me emra zgjedhësish, kuotave të përcaktuara të zgjedhësve, raporteve dhe provave të angazhimit politik të punonjësit, përfshirë fotografi ekrani, tabela renditjeje dhe sisteme pikëzimi. Ky ndalim është i përhershëm”.

Sipas Partisë Demokratike, organi që do të merret me zbatimin e këtyre rekomandimeve do të jetë nënkomisioneri i KQZ-së. Ky dokument i Partisë Demokratike do të shqyrtohet këtë të mërkurë në mbledhjen e radhës të Komisionit të Posaçëm të Reformës Zgjedhore.

SHPËRNDAJE

Lexo edhe

POLITIKE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.