Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
AKTUALITET
Ahmetaj deklaratë bombë: Është tentuar rrëmbimi i fëmijës tim 1 vjeç e gjysmë! Pse nuk vepron SPAK?
PiranjatPërditësimi i fundit 8 Janar 2026, 22:11
Ish-zv.kryeministri Arben Ahmetaj ka marrë deklaratën e kryeministrit Edi Rama në konferencën e fundvitit, ku ai pranoi se kishte takuar biznesmenët para se të fitonin tenderat nga Belinda Balluku, për t’i kërkuar SPAK të marrë të pandehur kryeministrin. “Kush je ti? Kush je ti që merresh me konkurencën? Që cakton ku do shkojnë paratë e shqiptarëve. Ti cakto buxhetin e shtëpisë tënde, ky është buxheti i shqiptarëve. Pse nuk e merr Altin Dumani të pandehur atë?” pyeti Arben Ahmetaj.
Kryeministri Rama përmendet në bisedat mes Belinda Ballukut dhe ish-drejtorit të ARRSH, Ervis Berberi si personi që kishte dhënë porosi për të ndarë tenderat mes biznesmenëve. Bisedat gjenden në dosjen hetimore për Belinda Ballukun, për të cilën SPAK ka kërkuar autorizim për arrestim, por SPAK nuk e ka përfshirë kryeministrin në hetime pavarësisht mesazheve që ka gjetur.
Ndërkohë sipas Ahmetajt, pronat dhe pasuritë e shqiptarëve ndahen rregullisht me porosi të kryeministrit mes 15 biznesmenëve të lidhur me të.
“Kam një sfidë për shqiptarët, për ju gazetarët. Merrni hartën e Shqipërisë dhe gjeni një projekt që është jashtë 15 oligarkëve dhe gjeni një gjë që e ka dhënë ky jashtë interesit të vet. Merr jugun, dhënë atij atij atij, merr Shqipërinë e mesme. Të gjitha me ligjin e investimeve strategjike. Merreni dhe çojeni në Gjykatën Kushtetuese, u bë për 5 vjet. Por ky e përdor për të çuar prona shtetërore aty ku i do qejfi këtij, pa tender, pa garë. Ky është frymëzimi që thotë ndonjë në Bruksel, që “Shqipëria është frymëzim?” u shpreh Ahmetaj.
Ahmetaj ka deklaruar po ashtu tha se janë tentuar të përdoren të gjitha format mafioze, kriminale kundër tij dhe kundër familjes së tij. Ahmetaj tha se ka dyshime se ndaj tij është bërë një plan për ta eleminuar fizikisht.
"Do vijë koha patjetër, do vijë koha që edhe detajet do dalin në shesh për të gjitha këto. Janë tentuar të përdoren të gjitha format mafioze, kriminale kundër meje dhe kundër familjes time. Zoti Peka, është tentuar rrëmbimi i fëmijës tim kur ka qenë 1 vjeç e gjysëm. 1 vjeç e gjysëm.
E kam deklaruar. Altin Dumani ka marrë ndonjë hap? ndonjë hap ka marrë? Në raport me mua apo ishte pjesë e urdhërit politik që unë të shkoja në burg dhe mos dilja i gjallë. E kam thënë në intervistën para një viti.
Kam dyshime serioze që ka qenë plan eliminimi fizik, arrestimi im pa asnjë provë dhe pa asnjë rrezik për asgjë, për asgjë, për t'u eliminuar fizikisht," tha Ahmetaj.
