Moti i paqëndrueshëm ka përfshirë gjatë orëve të fundit qarkun e Elbasanit, ku reshje të dendura shiu, breshër dh...
AKTUALITET
Bllokimit i aksit Librazhd-Përrenjas, drejtori i Planifikimit në ARRSH: Nuk e dimë kur do të hapet!
PiranjatPërditësimi i fundit 25 Shkurt 2026, 14:38
Drejtori i Planifikimit Strategjik dhe Operacioneve në Autoriteti Rrugor Shqiptar, Indrit Koleci, ka folur mbi situatën në aksin Librazhd–Përrenjas, pas shembjes së ndodhur në zonën e njohur si “Arrat e Gurres”, e cila ka izoluar juglindjen e vendit që prej të shtunës.
Sipas Kolecit, aktualisht nuk mund të jepet një afat i saktë për stabilizimin e plotë të rrëshqitjes, pasi po vijojnë studimet teknike në terren.
Sipas tij, brenda 3-4 ditëve pritet të ketë një vlerësim më të qartë për kohëzgjatjen e ndërhyrjes dhe për një afat paraprak të punimeve.
“Nuk mund të themi akoma një afat, ne kemi bërë relevim të të gjithë zonës së poshtme të lumit. Kemi bërë një rilevim të shtratit të lumit, do bëjmë edhe një rishikim për trupine ri rrugor që do të ndërtojmë, për të qenë të sigurt. Gjithashtu vazhdojmë sudtimet për pjesën e sipërme për masën e rrëshqitjes.
Afate nuk mund t’ju themi pasi janë volume të konsiderueshme, nuk mund të ngutemi dhe të themi diçka që më pas të tërhiqemi. Si parashikim, afati mund ta kemi brenda 3-4 ditëve do jemi në gjendje të themi që punimet do mbarojnë për kaq kohë. Do vijojmë me masat që kemi marrë deri më tani. ARRSH i ka dhënë alternativat e veta, kjo rrugë nuk i përmbush standardet e sigurisë”, tha ai.
Ndërkohë, kreu i ARRSH Ami Kozeli tha se nga inspektimi i rrugës Spathari, aks prej 15.1 kilometrash, ka rezultuar se kjo rrugë nuk ofron siguri rrugore dhe është një aks që ARRSH nuk do e marrë në konsideratë për të investuar mbi të.
“U bë inspektimi i rrugës Spathari që ditën e diel nga ekspertët tonë dhe ky aks është 15.1 km dhe nuk ofron siguri rrugore dhe është një aks që ne nuk do e marrim në konsideratë për të investuar mbi të.
Nga mbrëmja e djeshme kontraktori ka nisur zbatimin e vendimeve të Këshillit teknik e tre pre tyre, konkretisht mbulimin e shtatit lumor, demolimin e urës që ka ndodhur sot në mëngjes dhe lehtësimin e masës së rrëshqitjes në anën e sipërme, kjo për të çuar skarpatin drejt një ekuilibri natyral të saj”, tha Kozeli.
