Kancelari i Gjermanisë, Friedrich Merz , ka akuzuar partinë e ekstremit të djathtë Alternative für Deutschland (AfD) se kërkon &...
AKTUALITET
Denoncimi/ Banorët e Letanit në Elbasan: Mjetet e tonazhit të rëndë po na rrezikojnë jetën, prej 3 vitesh pa zgjidhje
PiranjatPërditësimi i fundit 21 Mars 2026, 14:15
Një tjetër denoncim ka mbërritur në redaksi, këtë herë nga banorë të fshatit Letan, në njësinë administrative Bradashesh të Elbasanit, të cilët ngrenë alarmin për rrezikun që u kanoset çdo ditë nga qarkullimi i mjeteve të tonazhit të rëndë.
Sipas qytetarit që ka kontaktuar, një firmë inertesh në zonë lejon kalimin e kamionëve të mëdhenj përmes fshatit, në një segment rreth 700 metra të gjatë. Këto mjete, përveç rrezikut të drejtpërdrejtë për jetën e banorëve dhe veçanërisht të fëmijëve, shkaktojnë edhe ndotje të madhe nga tymi dhe pluhuri.
“Makina të tonazhit të lartë kalojnë çdo ditë dhe ne nuk mund të rrimë as jashtë nga tymi dhe pluhuri. Fëmijët janë në rrezik konstant”, thuhet në denoncim.
Banorët shprehen se kanë bërë ankesa të vazhdueshme pranë bashkisë, ku sipas tyre u është premtuar ndërhyrje për rregullimin e rrugës dhe zgjidhjen e situatës. Megjithatë, edhe pas afro tre vitesh, asgjë konkrete nuk është bërë.
Qytetari ka dërguar gjithashtu pamje filmike që tregojnë qarkullimin e kamionëve brenda zonës së banuar, duke përforcuar shqetësimin e ngritur.
Banorët i bëjnë thirrje institucioneve përkatëse që të ndërhyjnë sa më parë për të shmangur një ngjarje të rëndë, ndërsa kërkojnë që rasti i tyre të marrë vëmendje publike./Piranjat News
