Një grup studentësh dhe të rinjsh janë mbledhur para Bashkisë së Durrësit, ku po protestojnë në mbësht...
AKTUALITET
Disa protestues marshojnë drejt sheshit “Skënderbej”, u vënë flakën koshave të mbeturinave
PiranjatPërditësimi i fundit 16 Tetor 2026, 19:20
Një grup protestuesish po marshon aktualisht drejt sheshit “Skënderbej”, ndërsa protesta kundër qeverisë ka hyrë në ditën e katërt dhe vijon të shoqërohet me tensione në disa zona të Tiranës.
Gjatë marshimit, protestuesit u kanë vënë flakën dy koshave të mbeturinave, duke krijuar vatra zjarri përgjatë rrugës ku po lëvizin.
Ky zhvillim tregon se grupe demonstruesish po vijojnë të zhvendosen në drejtime të ndryshme të kryeqytetit, ndërsa një pjesë e madhe e protestuesve qëndrojnë në bulevardin “Dëshmorët e Kombit”, ku janë regjistruar përplasje me policinë.
Në bulevard, forcat e rendit kanë përdorur gaz lotsjellës për të shpërndarë turmën, por protestuesit kanë vijuar grumbullimin dhe thirrjet për dorëheqjen e kryeministrit Edi Rama.
Kërkesa për largimin e kreut të qeverisë mbetet në qendër të protestave të studentëve, gjimnazistëve dhe qytetarëve, të cilët prej katër ditësh po zhvillojnë tubime në Tiranë.
Ndërkohë, marshimi drejt sheshit “Skënderbej” dhe djegia e dy koshave të mbeturinave shënojnë një tjetër incident gjatë lëvizjes së grupeve të protestuesve në rrugët e qytetit.
