Për periudhën 2017-2025 buxheti i shtetit ka paguar në total 98 miliardë lekë, ose rreth 1 miliard euro, për 12 kontrata koncesi...
AKTUALITET
Furnizonin me drogë shkollat! Mes të arrestuarve edhe një ish-efektiv policie
PiranjatPërditësimi i fundit 27 Shtator 2026, 10:57
Detaje të reja janë zbardhur nga operacioni policor “Shkolla të Pastra” i finalizuar nga policia e Tiranës, ku u goditën disa grupe dhe u arrestuan 31 persona.
Dyshohet se lëndë narkotike shpërndahej në disa gjimnaze të kryeqytetit, mes tyre “Qemal Stafa”, “Sami Frashëri”, “Ismail Qemali”, “Çajupi” dhe Gjimnazi Profesional Ekonomik.
Shpërndarësit dyshohet se ua ofronin lëndët narkotike edhe të miturve që frekuentonin këto institucione arsimore.
Një prej personave të arrestuar është Ferit Xhani, i njohur edhe me nofkën “Luzi”. Sipas të dhënave të bëra publike, ai dyshohet se kishte rolin e furnizuesit brenda aktivitetit të grupeve.
Xhani është person i njohur më herët për policinë, pasi rezulton me precedentë penalë për vepra të lidhura me narkotikët dhe plagosjen.
Një tjetër emër i përfshirë në hetime është Engrid Henaj, ish-efektiv policie. Sipas të dhënave të publikuara për operacionin, Henaj dyshohet se kishte një rol të rëndësishëm në aktivitetin e grupeve. Henaj ishte përjashtuar nga radhët e Policisë disa vite më parë, pasi ishte arrestuar nën dyshimin për vjedhje.
