Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
Lista e debitorëve publike/ Brisida Shehaj: Përgjegjësia institucionale nuk mund të fshihet pas ‘faljeve’ fiskale
PiranjatPërditësimi i fundit 8 Dhjetor 2025, 09:45
E ftuar në emisionin e mëngjesit “Kafe Shqeto” në Syri TV, ekspertja e ekonomisë Brisida Shehaj sqaroi dallimin mes shuarjes së detyrimeve dhe paqes fiskale, duke theksuar se debitorët në tatime janë publikë me bazë ligjore dhe se transparenca është e domosdoshme. Ajo kritikoi institucionet për mungesë angazhimi serioz në trajtimin e kësaj çështjeje, duke nënvizuar rolin e KLSH-së, të drejtën e saj ligjore për akses në sistemet e tatimeve dhe nevojën që opozita të ngrejë tryeza të hapura me ekspertë.
Shehaj ngre shqetësime serioze për mekanizmat e kompensimit të TVSH-së pa kontrolle dhe për rreziqet që lidhen me hetimet proaktive, të cilat subjektet nuk i njohin. Sipas saj, pjesë të nismës mund të jenë pozitive, por problematikat e mëdha mbeten të paadresuara dhe kërkojnë transparencë, debat publik dhe përgjegjshmëri institucionale.
Brisida Shehaj:Po flasim për shuarjen e detyrimeve. Pra, kjo falja e gjobave. Nuk po flasim për paqen fiskale. Jemi tek shuarja e detyrimeve. Çdo subjekt që është debitor në tatime, në bazë të ligjit, është publik. Dhe nëse do të donin të shikonin se kush ka shumë borxhe në tatime, në faqen online të tatimeve, është publikuar historikisht. Dhe kjo do i ishte thënë dhe atij ministrit, meqë bën ai ministri ashtu, ose është keqkuptuar ministri, e ka me këtë pjesën tjetër kush do jetë te paqja fiskale. Debitorët, janë publikë. Janë të gjithë publikë. Jo s'janë shumë pak.
Ti duhet të dalësh dhe ta thuash këtë gjënë dhe deputetët të dalin dhe ta thonë këtë gjënë që është detyrim ligjor. Në faqen e tatimeve publikohen të gjithë debitorët. Të gjithë. Involvoi institucione si KLSH-ja. E ka KLSH-ja. Sepse me ligj KLSH-së i është dhënë e drejta dhe të ketë akses në sistemin e IT-së. Në tatime. Pra në raste të tilla, në raste të tilla, duhet që angazhimi, ndërgjegjësimi që duhet të bëjë deputetët e opozitës, aq deputetë sa jeni atje, ju të partisë më të madhe të opozitës, duhet të ishte tjetër gjë. Nuk mund të ishte thjesht një moment komision që nuk i sheh kush, por ju duhet të kishit mbledhur ekspertë në tryeza dhe duhet të kishit krijuar ju tryeza publike me ekspertët, ata që vinin, ata që kanë frikë, le të mos vijnë, dhe ka boll ekspertë që vijnë, që të diskutohej kjo çështje. Sepse ka diçka, ajo nuk është e keqe në një pjesë të saj, por është shumë e keqe në disa momente të tjera që nuk flitet. Është shumë e keqe kur thuhet se ne do të kompensojmë ty TVSH-në pa ta kontrolluar atë TVSH-në. Është shumë e keqe kur flasim, sepse ka momente që thotë, edhe nëse je në hetim ti, gjatë periudhës që kërkon shuarje. Po ku e di subjekti që është në hetim? Do marrim ne vërtetim nga gjykata, prokuroria. Po prokuroria ne e dimë shumë shumë mirë, që për shumë çështje regjistron veprën, po jo subjekt. Dhe ka plot hetime që nuk mund ta thotë ai, po të hetoj unë ty, sepse ai mund të të hetojë, është duke hetuar subjektin me metoda proaktive për shembull.
