Nga Piranjat News
Shumica e plagosjeve apo vrasjeve për motive të dobëta në Durrës kanë një emërues të përbashkët: thikën.
Një mjet i ftohtë që po shndërrohet gjithnjë e më shpesh në armën e parë të konflikteve të përditshme.
Nga komshiu, shoku e bashkëshortja, deri te vajza madje edhe e bija e autorit askush nuk është kursyer nga tehu i mprehtë i thikës. Konflikte banale, debate të çastit, xhelozi apo përplasje për arsye minimale kanë përfunduar në gjakderdhje, duke tronditur familje të tëra dhe opinionin publik.
Fenomeni ngre pikëpyetje serioze mbi nivelin e dhunës në shoqëri, mungesën e kontrollit dhe dështimin për të parandaluar përshkallëzimin e konflikteve, të cilat nga fjalët kalojnë lehtësisht në akte ekstreme.
Plagosje e dyfishtë me thikë — 26 Janar 2026
56-vjeçari Mikel Ndoj vetëm pak ditë pasi doli nga burgu u përfshi në një konflikt me vajzën e tij Xhesika Ndoj në lagjen nr.12 në Durrës, teksa kjo e fundit ishte duke punuar në një agjensi imobiliare. Pas një debati verbal, Mikel Ndoj goditi disa herë me thikë vajzën e tij. Për të ndaluar konfliktin ndërhyri një kalimtar i rastit, Onard Memlika, i cili tentoi të shpëtonte 24 vjeçaren nga goditjet me thithë, por kjo nuk funksionoi. Mikel Ndoj goditi me thikë Memlikën duke e lënë të plagosur, më pas u largua me shpejtësi nga vendi i krimit. Dy të plagosurit u dërguan me ambulancë në Spitalin Rajonal Durrës, ku mësohet se janë jashtë rrezikut për jetën,
Policia e shpalli në kërkim autorin e krimit.
"Më datë 26.01.2026, rreth orës 10:03, shtetasi M. N., 56 vjeç, në rrethana ende të paqarta, ka plagosur në rrugë me mjet prerës (thikë) vajzën e tij, shtetasen Xh. N., 24 vjeçe, banuese në lagjen nr. 12, Durrës. I plagosur ka mbetur edhe shtetasi O. M., kalimtar i rastit, i cili ka ndërhyrë në momentin që babai ka plagosur vajzën me mjet prerës (thikë). Të dëmtuarit ndodhen në Spitalin Rajonal Durrës, nën kujdesin e mjekëve, jashtë rrezikut për jetën", njoftoi Policia.
Dyshohet se konflikti nisi për shkak se 56 vjeçari Mikel Ndoj ishte divorcuar nga gruaja dhe jetonte në Itali. Ndoj ishte dënuar me burgim dhe sapo kishte mbaruar dënimin. Prej disa ditësh ishte kthyer në vendlindje ku dhe është konfliktuar me vajzën e tij. Dyshohet se 56 vjeçari ushtronte dhunë ndaj ish-bashkëshortes, gjë e cila solli divorcin, por ky i fundit kërkonte ribashkimin e familjes. Raportohet se Mikel Ndoj ka patur probleme të shëndetit mendor.
Vrasja me armë e dy të rinjve — 22 Tetor 2025
Një ngjarje e rëndë me pasojë dy viktima ka ndodhur rreth orës 01:45 të mëngjesit të sotëm në Manëz, pranë një karburanti.
Sipas burimeve policore, pas një konflikti që dyshohet për motive të dobëta, janë vrarë me armë zjarri Flori Paluçi, 33 vjeç, dhe Arianit Kurti, 23 vjeç, të dy banues në Manëz.
Nga hetimet paraprake, dyshohet se Flori Paluçi është vrarë nga Daniel Pepa, 21 vjeç, ndërsa Arianit Kurti dyshohet se është vrarë nga vetë Paluçi, gjatë përplasjes së armatosur.
Pas ngjarjes, autori i dyshuar Daniel Pepa është shpallur në kërkim, ndërsa forcat e Policisë po zhvillojnë kontrolle intensive për kapjen e tij.
Burime nga grupi hetimor bëjnë me dije se Flori Paluçi ka qenë person i skeduar në Itali për krime të ndryshme, dhe më herët ka qenë pjesë e një grupi grabitësish, që vepronte në territorin italian.
Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e plotë të rrethanave, identifikimin e çdo personi të përfshirë dhe administrimin e provave me qëllim dokumentimin e plotë ligjor të ngjarjes.
Sipas burimeve, njëri prej viktimave, së bashku me një tjetër person, kanë shkuar në ambientet e lokalit pranë karburantit.
Ata i kanë kërkuar kamerierit që t’i bënte një kafe, por ky i fundit u ka thënë se është ekspresi i fikur.
Konflikti ka nisur pasi një personat që ishte në lokal ka ndërhyrë në debatin mes një prej viktimave dhe kamerierit.
Mësohet se ky i fundit nuk është viktimë dhe as i plagosur në konflikt.
25 shtator 2025 vrasja e Valbon Beqirit në Durrës
Vrasja e 51-vjeçarit Valbon Beqiri në Durrës ditën e mërkurë (24 shtator) është zbardhur nga policia vetëm pak orë pas krimit.
Dy persona janë arrestuar, autori i krimit dhe bashkëpunëtori i tij. Në pranga kanë rënë Teilor Tivari 24 vjeç dhe bashkëpunëtori i tij Xh.D. 27 vjeç.
Sipas policisë, Valbon Beqiri alias Marko Beqiri, rezulton të jetë vrarë me thikë në orën 10:00 të paradites së të mërkurës. Por trupi i tij u gjet i pajetë brenda banesës në lagjen Nr.12 të Durrësit mbrëmjen e së mërkurës, nga nipi i tij, i cili më pas njoftoi autoritetet.
Sipas hetimeve të deritanishme të policisë, Teilor Tivari kishte shkuar në banesën ku qëndronte 51-vjeçari Beqiri për të blerë drogë. Më pas mes tyre kishte ndodhur konflikt dhe i riu e goditi disa herë me thikë Valbin Beqirin duke i shkaktuar vdekjen.
Por në dëshminë që ai ka dhënë në polici, Tivari është shprehur se viktima tentoi ta përdhunonte.
“Donte të më përdhunonte. Unë mora thikën e bukës dhe e qëllova, nuk e dija që do vdiste. Unë doja të largohesha pasi konsumuan një birrë, Valbon Beqiri nuk më linte”, mësohet të ketë thënë ai përpara grupit hetimor të Policisë së Durrësit.
Pas ngjarjes, autori u arratis, i ndihmuar edhe nga bashkëpunëtorin e tij, Xh.D. 27 vjeç. Ky i fundit ndihmoi autorin të largohej me një taksi dhe më pas e dërgoi në banesën e tij.
Nga këqyrja e kamerave të sigurisë dhe hetimet e tjera, policia identifikoi autorin dhe e arrestoi brenda disa orësh, së bashku me bashkëpunëtorin. Ai akuzohet për vrasje me dashje dhe mbajtje pa leje e armëve të ftohta, kurse ndaj bashkëpunëtorit të tij rëndojnë akuzat e moskallëzimit të krimit dhe përkrahje e autorit të krimit.
Banesa ku ndodhi krimi është në pronësi të kushërirës së viktimës, e cila është në emigrim, dhe i kishte lënë çelësin e shtëpisë për t’u kujdesur. Mësohet gjithashtu se 51-vjeçari përdorte edhe një emër tjetër, Marko Beqiri dhe ishte baba i një djali 12-vjeçar. Ai punonte si kamarier me kohë të pjesshme në një lokal në qytetin bregdetar.
25 nëntor 2025
Humbi jetën në QSUNT 15-vjeçari që u plagos me thikë nga bashkëmoshatari në Durrës
Ka ndërruar jetë pas 9 ditësh në intubim 15-vjeçari i cili më datë 25 nëntor u plagos me thikë në zemër nga një 14-vjeçar me inicialet M.K., në qytetin e Durrësit.
I mituri Erjon Boba është transportuar ditën e djeshme në Qendrën Spitalore Universitare Nënë Tereza për ndihmë më të specializuar, por ka ndërruar jetë ditën e sotme në reaminacionin qendror,
Më 27 nëntor Gjykata e Durrësit konfirmoi masën e arrestit me burg për autorin 14-vjeçar me inicialet M.K..
15-vjeçari u plagos me thikë në pjesën e gjoksit, pranë zemrës, rreth orës 14:00 të 25 nëntorit, vetëm 20 minuta në këmbë nga shkolla “Dom Nikollë Kaçorri”, ku mësonin të dy nxënësit e përfshirë në konflikt.
Burimet policore thanë se sherri nisi nga një koment në rrjetet sociale dhe ofendimeve të vazhdueshme në shkollë, të cilat më pas degraduan në plagosje me thikë. Dyshohet se 15-vjeçari Erjon Boba e kishte marrë në telefon autorin 14-vjecar për të kërkuar sqarime, pasi kishte dëgjuar se ai e shante vazhdimisht në shkollë.
Ata u dakorduan të takoheshin për tu sqaruar ku të pranishëm kanë qenë dhe shokë të tjerë të dy palëve, të cilët janë marrë në pyetja nga policia për ngjarjen e rëndë.
E rëndë në Durrës, burri ther me thikë gruan, vdes në spital
Më 19 Korrik, 2019 në lagjen 18 në Durrës Burri ka qëlluar me thikë gruan e tij, 36 vjeçe duke i shkaktuar vdekjen. Ajo është dërguar me plagë të rënda në spital nga vëllezërit e saj dhe djali i tyre i mitur por nuk ka mundur të mbijetojë. Viktima sipas policisë është Asbije Kuka, 36 vjeçe.
Gruaja është dërguar në spital me plagë afër zemrës dhe hemorragji dhe me gjithë ndihmën e dhënë nga mjekët nuk ka mundur të mbijetojë. Policia është vënë në ndjekje të bashkëshortit të viktimës, Ardian Kuka i dyshuari kryesor i krimit.
Informacion Paraprak
Më datë 19.07.2019, rreth orës 16:20, në lagjen Nr.15, Durrës, shtetasi A.K.,ka qëlluar me thikë bashkëshorten e tij shtetasen H.K., rreth 36 vjeçe, e cila u transportua në spital por ndërroi jetë si pasojë e plagëve të marra.
Vrau me thikë fqinjin në Durrës, lihet në burg autori!
14 shkurt 2024-Ilir Koçilja- vrau me thikë fqinjin, Halil Koka, 46-vjeç pas një sherri banal lidhur me parkimin. Ngjarja ndodhi në lagjen numër 4 të qytetit të Durrësit. Konflikti mes tyre nisi në oborrin e pallatit e më pas u zhvendos disa metra më larg, në rrugë kryesore, përpara shkollës 9-vjeçare “Jusuf Puka” në Durrës.
Pas përplasjes fizike, Koka tentoi që të largohej me vrap, por u ndoq nga agresori, i cili e goditi dy herë me thikë. Autoambulanca shkoi menjehere në vendngjarje, por për fat të keq, Koka ndërroi jetë gjatë transportimit për në spital duke mos i mbijetuar plagëve të marra. 35-vjeçari/ PIranjat News
Artikuj te sugjeruar
AKTUALITET
26 Janar13:22
Shqiptari kapet me 30 kg kokainë në makinë. E tradhtuan lëvizjet e dyshimta
Një 28-vjeçar shqiptar është vënë në pranga nga karabinierët italianë pasi u kap duke transportuar një sas...
AKTUALITET
26 Janar13:19
Zjarr në një banesë në Selenicë, ndërron jetë i moshuari
Një 85-vjeçar është gjetur i pajetë në banesën e tij në fshatin Lapardha të Selenicës.
I moshuari ka...
AKTUALITET
26 Janar12:58
Tronditëse/ 12-vjeçarja u abuzua seksualisht nga personi që dyshohet se i vrau të atin
Një ngjarje e rëndë ka ndodhur në Gjirokastër, ku një 12-vjeçare dyshohet se është abuzuar seksualisht për...
AKTUALITET
26 Janar12:51
Skandali i Call Center-ave, Le Lene: 500 kompjutera gati për mashtrim
“Le Iene” ka publikuar pamjet nga hetimi në lidhje me çmontimin e grupit të Call Center-ave në Tiranë, ku u arrestuan t...
AKTUALITET
26 Janar12:48
“Investo në bursa!”/ Investigimi i ‘Le Iene’ dhe 'Piranjave': SPAK dhe BKH zbarkuan te zyrat, por i gjetën bosh!
Emisioni investigativ “Le Iene” në bashkëpunim me ''Piranjat'', ka publikuar detaje të reja nga aksioni i SPAK që zbuloi nj&eu...
AKTUALITET
26 Janar12:46
Ekspertët: Franc Çopja nuk ka probleme mendore, i penduari Eljo Bitri ishte më i qarti
Gjashtë nga nëntë burrat që po gjykohen nga gjykata e Brukselit për organizimin ose ekzekutimin e vrasjes së Ardit Spahiut nuk p...
AKTUALITET
26 Janar12:40
E rëndë/ Abuzoi seksualisht me vajzën e mitur të partneres, arrestohet njerku!
Një 12-vjeçare në Gjirokastër ka kallëzuar në polici se është abuzuar seksualisht nga njerku i saj, shtetasi Kelmend...
AKTUALITET
26 Janar12:34
“Zgjidh një emër arti!”/ Si i “stërviste” menaxheri Karlo operatorët e call centerit që mashtronin europianët
Investigimi i “Le Iene” në bashkëpunim me ''Piranjat'', ka zbuluar detaje nga hetimi që çoi në zbërthimin e g...
AKTUALITET
26 Janar12:09
Ia kërkoi Rama? Dallëndyshe Bici jep dorëheqjen si kryeinspektore e IKMT
Dallëndyshe Bici ka dhënë dorëheqjen nga detyra si kryeinspektore e IKMT-së, mes zhvillimeve të fundit politike dhe hetimore q&e...
