Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
Punonjësi në gjendje kritike pasi ra nga kati i dytë/ Drejtori i Bashkisë Gjirokastër “avullon” nga Shqipëria
PiranjatPërditësimi i fundit 7 Mars 2026, 20:10
Një ngjarje e rëndë u shënua me 3 mars në lagjen Zinxhira në qytetin e Gjirokastrës, ku një punonjës i Ndërmarrjes së Shërbimeve në Komunitet u rrëzua nga kati i dytë i një objekti privat gjatë punës për pastrimin e godinës, e cila ishte sekuestruar nga banka.
Si pasojë e rrëzimit, ai ka marrë dëmtime të rënda dhe është transportuar me helikopter drejt Spitalit të Traumës, ku ndodhet në gjendje kritike për jetën.
Pas publikimit të ngjarjes nga Piranjat News, Policia e Shtetit arrestoi tre persona, të akuzuar për veprën penale “shkelja e rregullave të mbrojtjes në punë”.
Ndërkohë, drejtuesi i institucionit, shtetasi Adriatik Onjea akuzohet për veprën penale “shpërdorim detyre”.
Sipas burimeve, menjëhere pas ngjarjes ai është larguar drejt shtetit fqinj Greqi dhe tashmë është shpallur në kërkim.
Ndërkohë, sot në gjykatë u zhvillua seanca për caktimin e masës së sigurisë ndaj tre të arrestuarve. Sipas avokatit të çështjes, Çlirim Rabaj, prokurori i çështjes, Bledi Bala kërkoi masën e sigurisë “arrest me burg” për shtetasit P.C dhe A.B, ndërsa për shtetasin A.L kërkoi masën “arrest në shtëpi”. Seanca u drejtua nga gjyqtarja Ermira Bushi, e cila vendosi të lërë në fuqi të njëjtat masa sigurie.
Mbetet ende e paqartë përse punonjës të Shërbimeve Komunitare të Bashkisë Gjirokastër ndodheshin duke punuar në një objekt privat të sekuestruar nga banka.
Pyetja që lind natyrshëm është: Çfarë marrëveshjeje ka patur mes bankës dhe Bashkisë Gjirokastër për ndërhyrjen në këtë objekt?
Njoftimi i Policisë
Drejtoria Vendore e Policisë Gjirokastër
Specialistët për Hetimin e Krimeve të Komisariati i Policisë Gjirokastër arrestuan në flagrancë shtetasit P. Ç., 46 vjeç, A. B., 61 vjeç dhe A. L., 58 vjeç, të tre banues në Gjirokastër, me detyrë "Përgjegjës" në Sektorin e Mirëmbajtjes në Drejtorinë e Shërbimeve Komunitare, Gjirokastër, të dyshuar për veprën penale “Shkelja e rregullave të mbrojtjes në punë”.
Veprimet procedurale u kryen pasi më datë 03.03.2026, rreth orës 13:30, në lagjen “Zinxhira”, gjatë punës për pastrimin e një objekti, një punonjës 55 vjeç, dyshohet se ka rënë aksidentalisht nga kati i dytë i objektit, dhe aktualisht është në kujdesin e mjekëve.
Më tej, në lidhje me këtë rast është shpallur në kërkim Drejtori i Drejtorisë së Shërbimeve Komunitare, Gjirokastër, i dyshuar për veprën penale “Shpërdorimi i detyrës”, shtetasi A. O., 54 vjeç, banues në Gjirokastër, pasi nuk është paraqitur të jap shpjegime dhe të vërë në dispozicion dokumentacionin e nevojshëm për hetimin e plotë të këtij rasti./Piranjat News
