Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
‘Sfidat Ruse dhe Kineze për sigurinë Euro-Atlantike’, Mediu merr pjesë në Takimin e Asamblesë së NATO-s në Bruksel
PiranjatPërditësimi i fundit 18 Shkurt 2026, 11:39
Kreu i Partisë Republikane Fatmir Mediu ka marrë pjesë në një takim të Asamblesë Parlamentare të NATO-s.
Scott W. BRAY, Ndihmës Sekretar i Përgjithshëm për Inteligjencën dhe Sigurinë në NATO, prezantoi “Sfidat Ruse dhe Kineze për sigurinë Euro - Atlantike”.
Ai e vuri theksin në rëndësinë që kanë investimet teknologjike dhe ekonomike dhe rreziku që interesat ekonomike afat shkurtra të cenojnë interesat e sigurisë së NATO-s. Ndërsa kreu i PR në fjalën e tij dhe në bashkëbisedim me z.Bray, kërkoi që krahas SHBA dhe BE është e domosdoshme, që dhe NATO të kërkojë nga vendet e Ballkanit perëndimor aprovim sa më parë të ligjit për kontrollin e investimeve të huaja, sidomos ato që vijnë nga Kina dhe kanë lidhje me Rusinë.
Kontrollin e investimeve në teknologji, infrastrukturë kritike, data center (qendrat e të dhënave), sistemin e smart city dhe sistemet e vëzhgimit. Detyrimin që në investimet private dhe ligjet e prokurimeve të deklarohen asetet e kompanive ofshore dhe përfituesve të tyre. Eliminimin e ligjeve speciale për interesa klienteliste jo transparente dhe kthimin e tyre në interesa korruptive.
Po ashtu, ka kërkuar Mediu edhe, një kontroll të rreptë të investimeve dhe sidomos nga burimet kriminale të drogës dhe korrupsionit, pastrimi i parave , si dhe ligje strikte për të frenuar mundësinë e infiltrimit të tyre në çështje të sigurisë siç ndodhi me AKSH në Shqipëri.
