Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
AKTUALITET
Shërbimin skandaloz në Poliklinikën e Korçës/ Laboratori ambulator i mbyllur, radhë deri në 200 pacientë në ditë
PiranjatPërditësimi i fundit 5 Shkurt 2026, 17:45
Deputetja e Partisë Demokratike Ledina Alolli ka denoncuar publikisht kushtet skandaloze dhe mungesën e organizimit në Poliklinikën e Korçës, duke e cilësuar situatën si fyese dhe çnjerëzore për qytetarët, veçanërisht për të moshuarit dhe të sëmurët.
Përmes një reagimi, Alolli publikon pamje të dërguara nga qytetarë, ku shihen radhë të gjata, shtyrje dhe përplasje mes pacientëve që presin për të kryer analizat laboratorike. Sipas saj, qytetarët detyrohen të qëndrojnë në këmbë në kushte të papranueshme, pa asnjë lloj organizimi.
"Këto janë pamje që një qytetar më dërgon nga Poliklinika e Korçës. Qytetarët shtyhen, përplasen dhe presin në kushte të turpshme, pa asnjë organizim për kryerjen e analizave.
Kjo është një fyerje dhe poshtërim për njerëzit e sëmurë, veçanërisht për të moshuarit, që nuk munden të qëndrojnë në këmbë dhe detyrohen të presin në radhë në kushte çnjerëzore.
Nga data 1 deri më 10/12 të çdo muaji, analizat laboratorike kryhen nga koncesionari, vetëm në këto ditë, ndërsa më pas laboratori ambulator qëndron i mbyllur. Kjo krijon fluks ekstrem, deri në 200 pacientë në ditë, dhe pamjet flasin vetë.
I bëj thirrje Ministrisë së Shëndetësisë, Drejtorisë Rajonale dhe Inspektoratit Shëndetësor të ndërhyjnë urgjentisht, të marrin masa dhe të vendosin përgjegjësi.
Nëse nuk reagojnë sot, atëherë nesër do të mbajnë përgjegjësi për çdo pasojë që kjo situatë mund të sjellë." - shkruan deputetja e PD./piranjat.news
