Shpërdorim detyre dhe shkelje e barazisë në tendera/ Pas kontrolleve te Ron Yeffet dhe Ardi Veliu, SPAK regjistron dy vepra penale

Një ditë pas kontrolleve në banesën e biznesmenit amerikano-izraelit Ron Yeffet, News24 mëson se Prokuroria e Posaçme është duke hetuar për momentin për dy vepra penale, shpërdorim detyre dhe shkelje e barazisë në tendera. Hetimi u nis kryesisht pas disa audio-përgjimeve të publikuara nga ish- zv.kryeministri në arrati Arben Ahmetaj, në qendër të të cilave ishte biznesmeni Yeffet, i cili bisedon me dy shtetas të huaj të identifikuar si Igor dhe Sergei. Ahmetaj deklaroi se bisedat lidhen me një skemë të dyshuar për trafik armësh dhe municionesh përmes Shqipërisë. Burimet konfirmuan se po hetojnë rreth dyshimeve të ngritura se kompanitë e Yeffet janë favorizuar nga zyrtarët shtetërore për lidhjen e kontratave.
Në qendër të hetimit janë kompanitë Timak Defence dhe ADVANCED ARMS TECHNOLOGY.
TIMAK Defence zotërohet nga TIMAK ne masën 80 për qind dhe KAYO 20 për qind.
Ron Yefeti është zotëruesi 49% i kompanisë Timak, ndërsa 51 për qind e zotëron Arjeta Puca.
ADVANCED ARMS TECHNOLOGY, zotërohet nga UNO 18 me 80 për qind të aksioneve, ndërsa shteti është aksioner me 20 për qind përmes KAYOS. Kompania UNO 18 ka dy aksionerëve; Ron Yeffet dhe Arejta Puca që zotërojnë nga 50 për qind të aksioneve secili.
SPAK zbarkoi në vilën në përdorim të biznesmenit Yeffet. Ky i fundit sipas hetuesve të BKH-së u gjet në banesë dhe krahas të tjerave iu sekuestruar edhe celulari. Ndërsa lidhur me drejtorin e kompanisë shtetërore KAYO, Ard Veliu, hetuesit shkuan në mëngjes në banesën e tij, por ai nuk ndodhej aty, për shkak se ishte nisur për në punë. Mësohet se hetuesit kanë shkuar në ambientet e
“KAYO” dhe në zyrën e tij të punës kanë zbatuar vendimin e Gjykatës së Posaçme, për kontrollin personal, ç’ka nënkupton marrjen e telefonit celular. Njëherazi hetuesit kanë sekuestruar dokumente dhe kanë marrë celularin e një zyrtari të lartë të Ministrisë së Mbrojtjes.
Kontrolli në institucionin e mbrojtjes ka zgjatur 1 orë e 30 minuta. Burimet thanë se në ambientet e kompanisë TIMAK janë marrë dhjetëra faqe dokumente, kryesisht kontrata. SPAK ndërkohë ka firmosur fletëthirrjet e para për të marrë dëshmitë e personave që kanë dijeni. Arben Ahmetaj nga ana tjetër ka lënë të nënkuptohet se disponon të tjera audio-përgjime që kanë në qendër biznesmenin Yeffet.
Lexo edhe
AKTUALITET
Me armë në makinë/ Tentoi t’i shpëtonte arrestimit dhe përplasi makinën e policisë, në pranga 27-vjeçari në Kurbin

Ky është i riu që kërcënoi biznesmenin në Peshkopi, shok me djalin e tij

''Nuk ishin kamera sigurie''/ Eksperti për videot intime të Adi Hilës: Përdoren për shantazh...

Tetori surprizon me motin, meteorologu zbulon çfarë na pret

Përshkallëzohet zjarri në Lezhë, flakët përfshijnë sipërfaqe të gjera bujqësore

Shkodër/ Tentoi të shiste kanabis pranë shkollave, arrestohet 28-vjeçari

“50 mijë euro ose të hodha në erë”/ Kërcënoi me tritol pronarin e karburantit, kapet autori

Zjarret masive që kanë përfshirë fshatrat e Peqinin jashtë kontrollit, rrezikohen banorët dhe banesat





